ტაშკენტის ქუჩაზე მკვლელობა მოხდა

ტაშკენტის შესახვევის #4 სახლის პირველ სართულზე ერთ-ერთ ბინაში მკვლელობა მოხდა. გარდაცვლილია 56 წლის ალექსანდრე მატიაში და დაჭრილია მისი ვაჟი, 30 წლამდე ასაკის დენის მატიაში. მომხდარის შესახებ პოლიციას გარდაცვლილის ქალიშვილმა აცნობა.

ამის შესახებ "ინტერპრესნიუსს" ადგილზე მყოფმა გარდაცვლილის მეგობარმა ისმაილ ნოვრუზოვმა განუცხადა, რომელიც შემთხვევის ადგილზე ტრაგედიის შემდეგ  მივიდა. მისთვის სხვა დეტალები უცნობია.

სავარაუდოდ, მკვლელობის ჩამდენი ოჯახის ნაცნობი იყო.

დაჭრილი დენის მატიაში რესპუბლიკურ საავადმყოფოშია გადაყვანილი. ამ წუთებში შემთხვევის ადგილზე კრიმინალური სამსახურის თანამშრომლები მუშაობენ.

იხილეთ ვიდეო

"ინტერპრესნიუსი"