სასამართლომ ბათუმის საკრებულოს ყოფილი თავმჯდომარის საჩივარი არ დააკმაყოფილა

ბათუმის საქალაქო სასამართლომ ბათუმის საკრებულოს ყოფილი თავმჯდომარის, გიორგი კირთაძის საჩივარი, საკრებულოს 31 იანვრის გადაწყვეტილების ბათილად ცნობის შესახებ, არ დააკმაყოფილა.

"ბათუმის საქალაქო სასამართლომ ჩემი მოთხოვნა ადმინისტრაციული აქტის შეჩერებასთან დაკავშირებით არ დააკმაყოფილა", - განაცხადა გიორგი კირთაძემ. მისი თქმით, მას ჯერ არ გადაუწყვეტია, გაასაჩივრებს თუ არა სააპელაციო სასამართლოში ბათუმის სასამართლოს გადაწყვეტილებას.

ბათუმის საკრებულომ გიორგი კირთაძე საკრებულოს თავმჯდომარეობიდან 31 იანვარს გადააყენა. "ერთიანი ნაციონალური მოძრაობის" განცხადებით, კირთაძის თანამდებობიდან გადაყენება და ირაკლი ჩავლეიშვილის საკრებულოს თავმჯდომარედ არჩევა უკანონოა.

სრული ვერსია

”გურია ნიუსი”