"კა­ლა­ძი­სა და სხვათა გა­ტა­ცე­ბის თავ­კა­ცი საზღ­ვარ­გა­რეთ "მოღ­ვა­წე­ობს" და დი­დი მას­შტა­ბის კრი­მი­ნა­ლი­ა"

75 წლის პოლ­კოვ­ნი­კი ბა­თო (ბა­თალ­ბი) სა­ღი­ნა­ძე, რო­მე­ლიც თა­ვის დრო­ზე აფ­ხა­ზე­თის კრი­მი­ნა­ლურ პო­ლი­ცი­ას ხელ­მძღვა­ნე­ლობ­და და ძა­ლო­ვან სტრუქ­ტუ­რა­ში მოღ­ვა­წე­ო­ბის ნა­ხე­ვარ­სა­უ­კუ­ნო­ვა­ნი სტა­ჟი აქვს, ცი­ხი­დან ახ­ლა­ხან გა­თა­ვი­სუფ­ლდა პო­ლიტ­პა­ტიმ­რის სტა­ტუ­სით... ყვე­ლა­ფე­რი იმით და­იწყ­ო, რომ პენ­სი­ა­ზე გა­სულ ღვაწ­ლმო­სილ მუ­შაკს 21-ე სა­უ­კუ­ნის და­საწყ­ი­სის ყვე­ლა­ზე რე­ზო­ნან­სუ­ლი საქ­მის - ლე­ვან კა­ლა­ძის გა­ტა­ცე­ბა-­მკვლე­ლო­ბის გა­მო­ძი­ე­ბა სთხო­ვეს. ბა­თო სა­ღი­ნა­ძეს ამ საქ­მის გა­მო­ძი­ე­ბა დევ­ნა-­შე­ვიწ­რო­ე­ბი­სა და თა­ვი­სუფ­ლე­ბის და­კარ­გვის ფა­სად და­უჯ­და - სა­სა­მარ­თლომ მას გა­მო­ძი­ე­ბის არა­ო­ბი­ექ­ტუ­რად წარ­მარ­თვა­ში დას­დო ბრა­ლი და 7 წლით აღუკ­ვე­თა თა­ვი­სუფ­ლე­ბა. გავ­რცე­ლე­ბუ­ლი ინ­ფორ­მა­ცი­ით, ბა­თუ სა­ღი­ნა­ძე დამ­ნა­შა­ვე მა­ღალ­ჩი­ნოს­ნე­ბის კვალ­ზე გა­ვი­და, რაც მა­ვანს არ მო­ე­წო­ნა და ამას შე­ე­წი­რა პრო­ფე­სი­ო­ნა­ლი სა­მარ­თალ­დამ­ცვე­ლის თა­ვი­სუფ­ლე­ბა. ჭარ­მა­გი პოლ­კოვ­ნი­კი ცი­ხეს არ გა­უ­ტე­ხია, მხნედ გა­მო­ი­ყუ­რე­ბა და ბრძო­ლის შემ­დგო­მი რა­უნ­დის­თვის ემ­ზა­დე­ბა.

- ბა­ტო­ნო ბა­თო, გი­ლო­ცავთ გა­თა­ვი­სუფ­ლე­ბას! თქვე­ნი და­პა­ტიმ­რე­ბის ოფი­ცი­ა­ლუ­რი მი­ზე­ზი სა­ზო­გა­დო­ე­ბის­თვის ცნო­ბი­ლია, მაგ­რამ სა­ინ­ტე­რე­სოა თქვე­ნი თვალ­საზ­რი­სი, რა­ტომ გახ­დით ხე­ლი­სუფ­ლე­ბის სა­მიზ­ნე, რა­ტომ და­გა­პა­ტიმ­რეს?

- საქ­მე ის არის, რომ ბევრ არამ­ზა­და მა­ღალ­ჩი­ნო­სანს სიმ­შვი­დე და­ვურ­ღვიე და ვიდ­რე და­ნა­შა­უ­ლის დამ­კვე­თებს გა­მო­ვა­აშ­კა­რა­ვებ­დი, მათ ჩე­მი იზო­ლი­რე­ბა გა­ნიზ­რა­ხეს... მო­გეხ­სე­ნე­ბათ, იმ­ხა­ნად, რო­დე­საც ლე­ვან კა­ლა­ძის საქ­მის გახ­სნა შე­მომ­თა­ვა­ზეს, უკ­ვე პენ­სი­ა­ზე ვი­ყა­ვი გა­სუ­ლი - 1998 წლი­დან.

- ლე­ვან კა­ლა­ძის საქ­მის გა­მო­ძი­ება­ში ჩარ­თვის გა­დაწყ­ვე­ტი­ლე­ბა, რო­გორც ვი­ცი, იო­ლად არ მი­გი­ღი­ათ. რა პი­რო­ბით და­თან­ხმდით შე­მო­თა­ვა­ზე­ბას?

- რო­დე­საც "ვარ­დე­ბის ხე­ლი­სუფ­ლე­ბა" მო­ვი­და ქვეყ­ნის სა­თა­ვე­ში, ლე­ვან კა­ლა­ძის გა­ტა­ცე­ბი­დან თით­ქმის სა­მი წე­ლი იყო გა­სუ­ლი. თავ­და­პირ­ვე­ლად, ჩემ­თან კა­ხა კა­ლა­ძე და მი­სი მა­მა კარ­ლო მო­ვიდ­ნენ. კა­ხამ მთხო­ვა: ბა­ტო­ნო ბა­თო, მითხ­რეს, რომ პრო­ფე­სი­ო­ნა­ლი ხართ, მე ვი­ცი, რა არის პრო­ფე­სი­ო­ნა­ლიზ­მი. ბევრს ვთხო­ვე ჩე­მი ძმის საქ­მე­ზე მუ­შა­ო­ბა, მო­სინ­ჯეს და თქვეს, ამ საქ­მის გახ­სნა გა­მო­რიცხ­უ­ლი­ა­ო. ბევ­რმა მირ­ჩი­ა, თუ ამ საქ­მის გახ­სნა ვინ­მეს გა­მო­უ­ვა, სა­ღი­ნა­ძეს გა­მო­უ­ვა და უარს ნუ გვეტყ­ვი­ო. რო­ცა ვნა­ხე, რო­გორ იტან­ჯე­ბო­და ოჯა­ხი, ნა­მუს­მა არ მომ­ცა იმის სა­შუ­ა­ლე­ბა, უა­რი მეთ­ქვა დახ­მა­რე­ბა­ზე. თა­ნაც კა­ლა­ძე­ებ­მა მითხ­რეს, საქ­მის გახ­სნის­თვის 200 ათა­სი დო­ლა­რი გვთხო­ვეს, მი­ვე­ცით და მი­ი­სა­კუთ­რეს, მაგ­რამ აღარ გან­ვაცხ­ა­დეთ, ამას რა აზ­რი აქ­ვსო. გა­ვი­და რამ­დე­ნი­მე ხა­ნი და შს იმ­ჟა­მინ­დელ­მა მი­ნის­ტრმა გი­ორ­გი ბა­რა­მი­ძემ და­მი­ბა­რა, - ბა­ტო­ნო ბა­თო, ჩათ­ვა­ლეთ, რომ პრე­ზი­დენ­ტი გე­ლა­პა­რა­კე­ბათ, მან თქვა, კა­ლა­ძის მკვლე­ლო­ბის საქ­მეს სა­ღი­ნა­ძე გა­არ­თმევს თავ­სო. ქვეყ­ნის სირ­ცხვი­ლი­ა, რომ ეს საქ­მე 3 წე­ლი გა­უხ­სნე­ლი­ა, კა­ხა კა­ლა­ძეს ყვე­ლა იც­ნობს, მსოფ­ლი­ოს მო­ე­დო ეს ამ­ბა­ვი და მი­შამ გთხო­ვათ, ოღონდ ქვე­ყა­ნას ეს სირ­ცხვი­ლი მო­ა­შო­რეთ და ხე­ლის გულ­ზე გა­ტა­რებ­თო. ჩვენ მო­ვი­ლა­პა­რა­კეთ, თუ ეს საქ­მე გა­იხ­სნე­ბა, ჩემს პირ­ველ მო­ად­გი­ლედ და­ი­ნიშ­ნე­ბით, გე­ნერ­ლო­ბას მოგ­ცემთ და მე­რე ზედ­მე­ტად არ შე­გა­წუ­ხებთ, მხო­ლოდ მრჩევ­ლის რან­გში იქ­ნე­ბი­თო. ბო­ლოს დას­ძი­ნა, მი­შამ თქვა, თუ სა­ღი­ნა­ძე ამ სირ­ცხვილს მოწ­მენდს სა­ქარ­თვე­ლოს, სპეც­სამ­სა­ხუ­რე­ბის თა­ნამ­შრომ­ლე­ბი­დან პირ­ვე­ლი ეროვ­ნუ­ლი გმი­რი იქ­ნე­ბა­ო. დავ­თან­ხმდი. დავ­თქვით, შექ­მნი­ლი­ყო სპე­ცი­ა­ლუ­რი და­მო­უ­კი­დე­ბე­ლი სტრუქ­ტუ­რა, ჩემს გან­კარ­გუ­ლე­ბა­ში ყო­ფი­ლი­ყო ყვე­ლა ძა­ლა, რო­მე­ლიც კი სა­ჭი­როა საქ­მის გახ­სნი­სა და გა­მო­ძი­ე­ბი­სათ­ვის. გა­მოს­ცეს ბრძა­ნე­ბა, რი­თაც პენ­სი­ა­ზე მყო­ფი აღ­მად­გი­ნეს შსს-ს რი­გებ­ში. და­ი­წე­რა სა­გან­გე­ბო ბრძა­ნე­ბა, - შე­იქ­მნას სპე­ცი­ა­ლუ­რი სა­გა­მომ­ძი­ებ­ლო ოპე­რა­ტი­უ­ლი ჯგუ­ფი ლე­ვან კა­ლა­ძის საქ­მე­ზე და სა­ერ­თო ხელ­მძღვა­ნე­ლო­ბა და­ე­ვა­ლოს ბა­თო სა­ღი­ნა­ძე­სო. ამ საქ­მე­ში ჩე­მი გვერ­დის ავ­ლით ჩა­ხედ­ვი­სა და ჩა­რე­ვის უფ­ლე­ბა არა­ვის ჰქონ­და. მე ლე­ვან კა­ლა­ძის საქ­მე გავ­ხსე­ნი. ეს იმას ნიშ­ნავს, რომ მო­ვი­პო­ვე ყვე­ლა ინ­ფორ­მა­ცია გამ­ტა­ცებ­ლებ­ზე, ორ­გა­ნი­ზა­ტო­რებ­სა და მათ­თან და­ნა­შა­უ­ლებ­რივ ალი­ან­სში მყო­ფ სა­მარ­თალ­დამ­ცა­ვი სტრუქ­ტუ­რე­ბის მა­ღალ­ჩი­ნოს­ნებ­ზე. გა­მო­ძი­ე­ბუ­ლი იქ­ნა კა­ლა­ძე­ე­ბის­გან აღე­ბუ­ლი 200 ათა­სი აშშ დო­ლა­რის აფ­რა­სი­ძე­ებ­თან მი­ტა­ნის ფაქ­ტი. საქ­მე მო­ითხ­ოვ­და ომეხ აფ­რა­სი­ძის და­კითხ­ვას. საქ­მის მშვი­დო­ბი­ა­ნი გა­დაწყ­ვე­ტი­სათ­ვის ომეხ აფ­რა­სი­ძეს­თან გავ­გზავ­ნე რამ­დე­ნი­მე სან­დო პი­რი, შევ­თა­ვა­ზე გა­მო­ძი­ე­ბას­თან თა­ნამ­შრომ­ლო­ბა და ნე­ბა­ყოფ­ლო­ბით ჩა­ბა­რე­ბა. 2004 წლის 21 მარტს შუ­ა­მავ­ლებ­მა შე­მატყ­ო­ბი­ნეს, რომ აფ­რა­სი­ძე თა­ნახ­მაა ჩემს წი­ნა­და­დე­ბა­ზე, რის შე­სა­ხე­ბაც იმა­ვე დღეს მო­ვახ­სე­ნე მი­ნისტრ გი­ორ­გი ბა­რა­მი­ძეს. მი­უ­ხე­და­ვად ამი­სა, 24 მარტს, ჩემ­გან მა­ლუ­ლად და ჩე­მი გვერ­დის ავ­ლით, ეცერ­ში ჩა­ა­ტა­რეს სის­ხლი­ა­ნი სპე­ცო­პე­რა­ცია აფ­რა­სი­ძე­ე­ბის წი­ნა­აღ­მდეგ...

- რო­გორც ამ­ბო­ბენ, ამ საქ­მეს იმი­ტომ ჩა­მო­გა­შო­რეს, რომ მა­ღალ­ჩი­ნო­სან­თა კვალ­ზე გახ­ვე­დით. თუ ხე­ლი­სუფ­ლე­ბის­თვის ცნო­ბი­ლი იყო და­ნა­შა­ულ­ში მო­ნა­წი­ლე პი­რე­ბის ვი­ნა­ო­ბა, რა­ტომ­ღა ან­დეს ეს საქ­მე თქვე­ნის­თა­ნა გა­მომ­ძი­ე­ბელს, რო­მელ­საც არ გა­უ­ჭირ­დე­ბო­და დამ­ნა­შა­ვე­თა მხი­ლე­ბა?

- თავ­და­პირ­ვე­ლად ხე­ლი­სუფ­ლე­ბის­თვის უც­ნო­ბი იყო კა­ლა­ძის გამ­ტა­ცებ­ლე­ბის ვი­ნა­ო­ბა. არა­სო­დეს მი­მი­ცია თა­ვის­თვის უფ­ლე­ბა, ძი­ე­ბის დას­რუ­ლე­ბამ­დე, წი­ნას­წარ გა­მეცხ­ა­დე­ბი­ნა ჩემს ხელთ არ­სე­ბუ­ლი ინ­ფორ­მა­ცია და ვინ­მე მემ­ხი­ლე­ბი­ნა. სრუ­ლი­ად სა­ი­დუმ­ლოდ, რო­გო­რიც უნ­და იყოს ოპე­რა­ტი­უ­ლი საქ­მი­ა­ნო­ბა, ისე ვა­კე­თებ­დი ყვე­ლა­ფერს. მე კი ვი­ცო­დი, ვინ იყო მკვლე­ლო­ბის საქ­მე­ში ჩარ­თუ­ლი, მაგ­რამ წი­ნას­წარ ხომ არ გან­ვაცხ­ა­დებ­დი? თუმ­ცა ამის ში­ში მა­ინც ჰქონ­დათ. სამ­წუ­ხა­როდ, ბო­როტ­მოქ­მედ­თა შო­რის უფ­რო ნა­ხავ ადა­მი­ა­ნო­ბას, ვიდ­რე გაც­ვე­თილ მა­ღალ­ჩი­ნოს­ნებ­ში. კრი­მი­ნა­ლე­ბი მიც­ნობ­დნენ, მენ­დო­ბოდ­ნენ და ჩვე­ნე­ბებს მაძ­ლევ­დნენ, ოღონდ ამას სა­ი­დუმ­ლოდ ვი­ნა­ხავ­დი. მაგ­რამ რო­ცა უკ­ვე ბევ­რი ადა­მი­ა­ნი და­ი­კითხა და ხმა გა­ვარ­და, 200 ათა­სი დო­ლა­რი სვა­ნეთ­ში აი­ტა­ნე­სო, ამას უკ­ვე ვე­ღარ და­მა­ლავ­დი. მა­ვან­თათ­ვის გაჩ­ნდა ში­ში იმი­სა, რომ გა­იხ­სნე­ბო­და საქ­მე... ამი­ტომ და­ინ­ტე­რე­სე­ბულ­მა პი­რებ­მა და­აჩ­ქა­რეს პრო­ცე­სე­ბი და საქ­მე ჩა­მიგ­დეს. აკი გითხ­ა­რით, ბრძა­ნე­ბის თა­ნახ­მად, უჩე­მოდ სპე­ცო­პე­რა­ცი­ის დაწყ­ე­ბის გა­დაწყ­ვე­ტი­ლე­ბის მი­ღე­ბის უფ­ლე­ბა არ ჰქონ­და არც მი­ნისტრს, არც პრო­კუ­რორს და არც - არა­ვის. რო­ცა ეცერ­ში მომ­ხდა­რი ამ­ბა­ვი ტე­ლე­ვი­ზი­ებ­მა გად­მოს­ცეს, გამ­წა­რე­ბუ­ლი მი­ვე­დი ს­ვა­ნე­თი­დან დაბ­რუ­ნე­ბულ მი­ნის­ტრთან და ვუთხ­ა­რი, ეს რა გა­მი­კე­თეთ, მკვლე­ლე­ბო, მეც მკვლე­ლი გამ­ხა­დეთ, რა პა­სუ­ხი გავ­ცე ახ­ლა იმ ხალხს, ვინც ამ საქ­მე­ში ჩემ­გან იყო ჩარ­თუ­ლი, ცოცხ­ლად დარ­ჩე­ნილ აფ­რა­სი­ძე­ებ­ს-მეთ­ქი! ბა­რა­მი­ძემ მი­პა­სუ­ხა - ეს ჩემ­ზე არ იყო და­მო­კი­დე­ბუ­ლი, მა­პა­ტი­ე, თუ შე­გიძ­ლი­ა­ო. ამის შემ­დეგ ბა­რა­მი­ძემ ამ პოს­ტზე და­ახ­ლო­ე­ბით ორ თვეს იმუ­შა­ვა და გა­დაწყ­ვე­ტი­ლე­ბას უჩე­მოდ აღარ იღებ­და, ყო­ველ­თვის ჩემს აზრს ით­ვა­ლის­წი­ნებ­და. რო­დე­საც მიხ­ვდნენ, რომ დამ­ნა­შა­ვე­თა კვალ­ზე აფ­რა­სი­ძე­ე­ბის გა­რე­შეც გა­ვი­დო­დი, ად­გნენ და მი­ნის­ტრი გა­მოც­ვა­ლეს - ბა­რა­მი­ძის ად­გი­ლას ირაკ­ლი ოქ­რუ­აშ­ვი­ლი და­ნიშ­ნეს.

- რა გითხ­რათ ბა­რა­მი­ძემ, ვის­ზე იყო და­მო­კი­დე­ბუ­ლი სპე­ცო­პე­რა­ცი­ის ჩა­ტა­რე­ბა?

- იმ მო­მენ­ტში ეს არც მი­კითხ­ავს. რო­გორც შემ­დეგ შე­ვიტყ­ვე და ბა­რა­მი­ძე­მაც ახ­ლა­ხან გა­ნაცხ­ა­და, სპე­ცო­პე­რა­ცი­ის სან­ქცია პრო­კუ­რა­ტუ­რამ გას­ცა. იმ­ხა­ნად კი გე­ნე­რა­ლუ­რი პრო­კუ­რო­რი ირაკ­ლი ოქ­რუ­აშ­ვი­ლი ბრძან­დე­ბო­და, თუმ­ცა დღეს ამ საქ­მე­ში მის როლ­ზე არა­ვინ ლაპარაკობს და ყვე­ლა ბა­რა­მი­ძეს ახო­ცავს ხელს.

- კა­ლა­ძე­ე­ბის ად­ვო­კატ­მა ზუ­რაბ დგე­ბუ­ა­ძემ "ყვე­ლა სი­ახ­ლეს­თან" ინ­ტერ­ვი­უ­ში გა­ნაცხ­ა­და, რომ თქვენ პრე­ზი­დენტს მის­წე­რეთ სა­ი­დუმ­ლო წე­რი­ლი, რა­საც მოჰ­ყვა თქვე­ნი შემ­დგო­მი დევ­ნა-­შე­ვიწ­რო­ე­ბა.

- სპე­ცო­პე­რა­ცი­ი­დან ერ­თი კვი­რის შემ­დეგ, 31 მარტს, ღა­მით, შს მი­ნის­ტრის ერ­თ-ერ­თმა მო­ად­გი­ლემ მომ­ცა ირაკ­ლი ოქ­რუ­აშ­ვი­ლის ტე­ლე­ფო­ნის ნო­მე­რი და მითხ­რა, გე­ნე­რა­ლურ პრო­კუ­რორს და­უ­რე­კე­ო. და­ვუ­რე­კე ირაკ­ლი ოქ­რუ­აშ­ვილს, რო­მელ­მაც ერ­თ-ერთ დამ­ნა­შა­ვე­ზე მკითხ­ა, "მას­ზე" თუ მუ­შა­ობ­თო?! ტე­ლე­ფონ­ში რო­გორ გითხ­რათ, ხვალ მო­ვალ თქვენ­თან და გეტყ­ვით­-მეთ­ქი. და­მი­ბა­რა, მაგ­რამ რომ მი­ვე­დი, არ მი­მი­ღო. ოქ­რუ­აშ­ვი­ლის კა­ბი­ნე­ტი­დან გა­მო­ვი­და ვა­ლე­რი ხა­ბურ­ზა­ნი­ა, რო­მე­ლიც შემ­პირ­და, ყვე­ლა­ფერს გა­ვარ­კვევ და პრო­კუ­რორს შე­გახ­ვედ­რე­ბო. ხაზ­გას­მით აღ­ვნიშ­ნავ, რომ მი­უ­ხე­და­ვად არა­ერ­თგზის მცდე­ლო­ბი­სა, გენ­პრო­კუ­რორ­მა არ მი­მი­ღო. ამის შემ­დეგ პრე­ზი­დენტს და­ვუ­წე­რე სა­ი­დუმ­ლო მოხ­სე­ნე­ბი­თი ბა­რა­თი, რო­მელ­შიც აღ­ვწე­რე, ვინ და რო­გორ ერე­ო­და უკა­ნო­ნოდ საქ­მის გა­მო­ძი­ე­ბა­ში.

- არა­ერ­თხელ გით­ქვამთ, რომ ირაკ­ლი ოქ­რუ­აშ­ვი­ლის პი­რა­დი პა­ტი­მა­რი იყა­ვით, რა­ტომ უნ­და ყო­ფი­ლი­ყო ირაკ­ლი ოქ­რუ­აშ­ვი­ლი და­ინ­ტე­რე­სე­ბუ­ლი, კა­ლა­ძის საქ­მე არ გახ­სნი­ლი­ყო?

- მე­ცო­დე­ბა ეს კა­ცი, დი­დი ძა­ლა­უფ­ლე­ბა აუ­ვარ­და თავ­ში და გა­მოც­დი­ლი მა­ღალ­ჩი­ნო­სა­ნი დამ­ნა­შა­ვე­ე­ბის გავ­ლე­ნის ქვეშ მო­ექ­ცა, რის შე­დე­გა­დაც უკა­ნო­ნოდ ჩა­მო­მა­შო­რა საქ­მის გა­მო­ძი­ე­ბას. ოქ­რუ­აშ­ვილ­მა და­მამ­ცი­რე­ბე­ლი ფორ­მით გა­მო­მაგ­დო სამ­სა­ხუ­რი­დან, შემ­დგომ კი მი­სი უკა­ნო­ნო ბრძა­ნე­ბით, მე და ჩე­მი 9-წევ­რი­ა­ნი ოჯა­ხი ყა­ჩა­ღუ­რად გა­მო­გვყა­რეს კა­ნო­ნი­ე­რი საცხ­ოვ­რებ­ლი­დან და მი­ი­ტა­ცეს ჩე­მი ოჯა­ხის სა­კუთ­რე­ბა. და­ნარ­ჩე­ნი დე­ტა­ლე­ბი­სა და ფაქ­ტე­ბის გახ­მა­უ­რე­ბა ჯერ­ჯე­რო­ბით არ მი­მაჩ­ნია მი­ზან­შე­წო­ნი­ლად.

- ბა­ტო­ნო ბა­თო, ამ­ბობთ, რომ ლე­ვან კა­ლა­ძის მკვლე­ლო­ბის საქ­მე გახ­სე­ნით...

- დი­ახ, მაგ­რამ ბო­ლომ­დე გა­მო­ძი­ე­ბა არ დაგ­ვა­ცა­დეს... მე ვმუ­შა­ობ­დი სხვა­დას­ხვა ვერ­სი­ა­ზე, სხვა­დას­ხვა წყა­რო მაწ­ვდი­და ინ­ფორ­მა­ცი­ას, რომ ლე­ვა­ნი ჰყავ­დათ პან­კის­ში, ზო­გი­ერ­თის ინ­ფორ­მა­ცი­ით - სვა­ნეთ­ში, აფ­ხა­ზეთ­ში. რო­დე­საც კო­ბა ნარ­ჩე­მაშ­ვი­ლი იყო შს მი­ნის­ტრი, აც­ნო­ბეს, რომ გამ­ტა­ცებ­ლებს კა­ლა­ძე ქვე­მო სვა­ნეთ­ში, ლენ­ტე­ხის რა­ი­ო­ნის სო­ფელ რცხმე­ლურ­ში ჰყავ­დათ. ისე­თი ხმა­უ­რით ჩა­ა­ტა­რეს ოპე­რა­ცი­ა, რომ გამ­ტა­ცებ­ლებ­მა შე­იტყ­ვეს და მსხვერ­პლი გა­და­მა­ლეს. ამ ვერ­სი­ა­ზეც ვი­მუ­შა­ვე. მა­ვა­ნი ცდი­ლობს პი­ა­რის აგო­რე­ბას, თით­ქოს ეცე­რის სპე­ცო­პე­რა­ცია ჩე­მი ინ­სპი­რი­რე­ბუ­ლი იყო. ჩემს ინ­ტე­რე­სებ­ში არ შე­დი­ო­და და არც არ­სად გან­მიცხ­ა­დე­ბია ოპე­რა­ტი­უ­ლი ინ­ფორ­მა­ცი­ა. მე ხომ საქ­მე ბო­ლომ­დე უნ­და მი­მეყ­ვა­ნა, გა­მო­მე­ძი­ე­ბი­ნა, ამის თავ­კა­ცი ვი­ყა­ვი და რო­გორ ჩა­ვა­ტა­რე­ბი­ნებ­დი ვინ­მეს ოპე­რა­ცი­ას და რო­გორ და­ვა­ხო­ცი­ნებ­დი იმ ადა­მი­ა­ნებს, რომ­ლებ­საც ჩემ­თვის ინ­ფორ­მა­ცია უნ­და მო­ე­ცათ? ამათ ეში­ნო­დათ კა­ლა­ძის გა­ტა­ცე­ბი­ს და სხვა და­ნა­შა­უ­ლე­ბის გახ­სნის, ამი­ტო­მაც მო­იქ­ცნენ ასე. არ დამ­ცალ­და გა­მო­მე­ძი­ე­ბი­ნა საქ­მე და სა­ხელ­მწი­ფოს თავ­კა­ცებ­მა და­ნა­შა­უ­ლებ­რი­ვად ჩა­ა­ტა­რეს ეცერ­ში სის­ხლი­ა­ნი ოპე­რა­ცი­ა.

- ეს სპე­ცო­პე­რა­ცია მოჰ­ყვა იმას, რომ ომეხ აფ­რა­სი­ძე თა­ნამ­შრომ­ლო­ბა­ზე დაგ­თან­ხმდათ?

- რო­ცა დამ­ტკიც­და, რომ 200 ათა­სი დო­ლა­რი მი­ვი­და აფ­რა­სი­ძე­ებ­თან, ომე­ხი შუ­ა­მავ­ლებს დაჰ­პირ­და, რომ კა­ლა­ძე­ებს ლე­ვა­ნის პოვ­ნა­ში და­ეხ­მა­რე­ბო­და, მაგ­რამ ოპე­რა­ცია ჩა­ი­შა­ლა. ომეხ აფ­რა­სი­ძეს უთ­ქვამს, თუ კა­ლა­ძე­ე­ბი 200-300 ათასს გა­და­იხ­დი­ან, ამ საქ­მის მოგ­ვა­რე­ბა­ში და­ვეხ­მა­რე­ბი­ო. შუ­ა­მა­ვა­ლი ნო­დარ გვი­ჩი­ა­ნი და­ე­ლა­პა­რა­კა კა­ლა­ძე­ებს, რომ­ლებ­მაც შე­აგ­რო­ვეს ფუ­ლი და აფ­რა­სი­ძე­ებ­თან 4-5 კა­ცი წა­ვი­და მო­სა­ლა­პა­რა­კებ­ლად. შემ­დეგ შუ­ა­მავ­ლებს აც­ნო­ბეს, ლე­ვა­ნი მკვდა­რი­ა­ო. ეს ყვე­ლა­ფე­რი გა­მო­ვი­ძიე და იმი­ტომ უნ­და ჩა­მე­ტა­რე­ბი­ნა ომეხ აფ­რა­სი­ძის ჩა­ბა­რე­ბის ოპე­რა­ცი­ა, რომ გა­მერ­კვი­ა, რა მოხ­და სი­ნამ­დვი­ლე­ში. იმ­ხა­ნად ომეხ აფ­რა­სი­ძე სხვა და­ნა­შა­უ­ლის­თვის იძებ­ნე­ბო­და. საქ­მე­ში უამ­რა­ვი ხალ­ხი ჩავ­რთე და ომეხს შევ­პირ­დი, ჩაგ­ვბარ­დი და და­გეხ­მა­რე­ბით­-მეთ­ქი. მე მას­თან არა­ფერ­ზე მი­ვაჭ­რი­ა. ვერ გეტყ­ვით, იყო თუ არა ომეხ აფ­რა­სი­ძე ლე­ვან კა­ლა­ძის გა­ტა­ცე­ბის საქ­მის კურ­სში, მაგ­რამ ვი­ცი, რა­ღაც მნიშ­ვნე­ლო­ვა­ნი ინ­ფორ­მა­ცია ჰქონ­და.

- რის­თვის დას­ჭირ­დათ აფ­რა­სი­ძე­ე­ბის ლიკ­ვი­და­ცი­ა?

- ყვე­ლას ნა­ბი­ჯი ვი­ცი, მაგ­რამ ჯერ ყვე­ლა­ფერს ვერ ვიტყ­ვი... რად­გან ომეხ აფ­რა­სი­ძეს უკ­ვე გა­დაწყ­ვე­ტი­ლი ჰქონ­და ჩამ­ბა­რე­ბო­და, ამის შე­სა­ხებ 21 მარტს ბა­რა­მი­ძეს მო­ვახ­სე­ნე, მი­ნის­ტრი ყვე­ლა შემ­თხვე­ვა­ში უნ­და ჩა­მე­ყე­ნე­ბი­ნა საქ­მის კურ­სში. მაგ­რამ მათ გა­ა­კე­თეს ის, რი­სიც მე­ში­ნო­და... 2009 წელს ცი­ხე­ში შე­ვიტყ­ვე სა­ა­კაშ­ვი­ლის გან­ცხა­დე­ბის შე­სა­ხებ, მე გა­ვე­ცი სპე­ცო­პე­რა­ცი­ის ბრძა­ნე­ბა­ო. ვფიქ­რობ, მან ეს ჩე­მი ში­შით გა­ნაცხ­ა­და. დღეს აფ­რა­სი­ძე­ე­ბი არი­ან და­ზა­რა­ლე­ბულ­ნი, მაგ­რამ არა­ნაკ­ლებ დავ­ზა­რალ­დი მეც. ვი­ნა­ი­დან მა­თი ბე­დი ჩემს ხელ­ში იყო და ვერ და­ვი­ცა­ვი ისი­ნი - ამ მტა­ცებ­ლებ­მა გამ­თი­შეს საქ­მი­დან და ამოწყ­ვი­ტეს აფ­რა­სი­ძე­ე­ბის ოჯა­ხი. რო­დე­საც გა­მო­ძი­ე­ბა დას­რულ­დე­ბა, მჯე­რა, ყვე­ლა ყვე­ლა­ფერს შე­იტყ­ობს... სპე­ცო­პე­რა­ცი­ის ჩა­სა­ტა­რებ­ლად აუ­ცი­ლე­ბე­ლი იყო სა­სა­მარ­თლოს ბრძა­ნე­ბა ან პრო­კუ­რო­რის სან­ქცი­ა. ბა­რა­მი­ძემ გა­ნაცხ­ა­და, სან­ქცია რომ ვნა­ხე, მა­შინ წა­ვე­დი ეცერ­ში­. არა­ფერ შუ­ა­ში ვარ, ჩემ­ზე არა­ფე­რი იყო და­მო­კი­დე­ბუ­ლი­ო. რო­დე­საც ხე­ლი­სუფ­ლე­ბა მიხ­ვდა, რომ მე მა­ინც ყვე­ლა­ფერს ავ­ხდი­დი ფარ­დას, ად­გნენ და ოქ­რუ­აშ­ვი­ლი გენ­პრო­კუ­რო­რო­ბი­დან "ჩა­მო­ა­მი­ნის­ტრეს". რო­გორც კი ოქ­რუ­აშ­ვი­ლი შს მი­ნის­ტრად და­ინიშ­ნა, საქ­მეს ჩა­მო­მა­ცი­ლა და სამ­სა­ხუ­რი­დან გა­მაგ­დო...

რო­ცა კა­ხა კა­ლა­ძე და მი­სი ად­ვო­კა­ტი ზუ­რაბ დგე­ბუ­ა­ძე მი­ვიდ­ნენ მე­რა­ბიშ­ვილ­თან, მი­ე­ცით სა­ღი­ნა­ძეს მუ­შა­ო­ბის სა­შუ­ა­ლე­ბა­ო, მას გა­ნუცხ­ა­დე­ბი­ა, ვი­ცი, სა­ღი­ნა­ძე მა­ლე და­ამ­თავ­რებს ამ საქ­მეს, მაგ­რამ პრე­ზი­დენ­ტი ერი­დე­ბა ოქ­რუ­აშ­ვილ­თან და­პი­რის­პი­რე­ბას და მას ომს ვერ გა­ვუ­მარ­თა­ვო. ვა­ნო მე­რა­ბიშ­ვილ­მა ზუ­რაბ დგე­ბუ­ა­ძეს შეს­თა­ვა­ზა, შენ ხომ სა­ღი­ნა­ძეს­თან ახ­ლოს ხარ, ჩემს მრჩევ­ლად დაგ­ნიშ­ნავ, სა­ღი­ნა­ძემ შენ მოგ­ცეს ინ­ფორ­მა­ცი­ა, შენ კი - ჩვენ და საქ­მე გა­მო­ვი­ძი­ო­თო. დგე­ბუ­ა­ძეს ვუთხ­ა­რი, შენ კი გენ­დო­ბი, მაგ­რამ ეს საქ­მე შემ­თხვე­ვით ხალხს უნ­და მის­ცე სა­მი­ნის­ტრო­ში, მე­რე გა­ა­ფუ­ჭე­ბენ და იტყ­ვი­ან, სა­ღი­ნა­ძემ მოგ­ვცა ცრუ ინ­ფორ­მა­ცი­ა­ო, ამი­ტომ მე გან­ზე გავ­დგე­ბი და შენ იმუ­შა­ვე-­მეთ­ქი. ამის შემ­დეგ მოხ­და ისე, რომ მე­რა­ბიშ­ვი­ლის "რჩე­უ­ლი" მა­ძებ­რე­ბი - ირაკ­ლი კო­დუ­ა, და­ვით ბე­დი­ა, ლე­ვან გა­ვა­ზა­ვა და სხვე­ბი აპი­რებ­დნენ დგე­ბუ­ა­ძის და­პა­ტიმ­რე­ბას, მაგ­რამ მან უცხ­ო­ეთ­ში გაქ­ცე­ვით უშ­ვე­ლა თავს.

- ბა­ტო­ნო ბა­თო, სა­მარ­თალ­დამ­ცვე­ლე­ბის მი­ერ ნა­პოვნ ლე­ვან კა­ლა­ძის გვამ­ზე რას იტყ­ვით?

- ჩე­მი ინ­ფორ­მა­ცი­ით, სა­მარ­თალ­დამ­ცველ­თა მი­ერ ნა­პოვ­ნი ორი გვა­მი­დან არც ერ­თი არ იყო ლე­ვა­ნის. ძვლე­ბი, რომ­ლე­ბიც ოჯახს შე­ა­ჩე­ჩეს, ლე­ვან კა­ლა­ძის არ იყო. ამით ვა­ნო მე­რა­ბიშ­ვილ­მა და მის­მა ბრბომ უდი­დე­სი შე­უ­რაცხ­ყო­ფა და ტკი­ვი­ლი მი­ა­ყე­ნეს კა­ლა­ძე­ე­ბის ოჯახს, მეც და მთელ ქვე­ყა­ნას. ამა­ზე მეტს არა­ფერს ვიტყ­ვი.

- ერ­თი და იგი­ვე ადა­მი­ა­ნე­ბი მო­ნა­წი­ლე­ობ­დნენ 14 წლის მა­რი­ამ გო­გი­ნაშ­ვი­ლი­სა და ლე­ვან კა­ლა­ძის გა­ტა­ცე­ბის საქ­მე­ში?

- დი­ახ, ასე­ა.

- კა­ლა­ძე­ე­ბის ად­ვო­კატ­მა გა­ნაცხ­ა­და, რომ თქვენ კა­ლა­ძის საქ­მე­ში შსს-ს გე­ნე­რალ სო­სო ალა­ვი­ძი­სა და მი­სი ძმად­ნა­ფი­ცის, თენ­გიზ გურ­ჩი­ა­ნის მო­ნა­წი­ლე­ო­ბა­ზეც მი­ა­ნიშ­ნებ­დით.

- ალა­ვი­ძე­ზე მხო­ლოდ ის ვი­ცო­დი, რომ იგი მო­იყ­ვა­ნეს ხე­ლი­სუფ­ლე­ბა­ში. ად­ვო­კატ­მა დგე­ბუ­ა­ძემ პრე­სის მეშ­ვე­ო­ბით გა­ნაცხ­ა­და, რო­დე­საც ალა­ვი­ძე ქა­ლა­ქის პო­ლი­ცი­ის სამ­მარ­თვე­ლოს უფ­რო­სად და­ნიშ­ნეს, თა­ნამ­შრომ­ლებ­მა ფუ­ლი შე­აგ­რო­ვეს და 80-ა­თას­-დო­ლა­რი­ა­ნი ჯი­პი უყი­დე­სო. ეცე­რის სპე­ცო­პე­რა­ცი­ის წინ კი ეს ჯი­პი აფ­რა­სი­ძე­ე­ბის ეზო­ში იდ­გა. დგე­ბუ­ა­ძემ­ვე გა­ახ­მი­ა­ნა სო­სო ალა­ვი­ძი­სა და თენ­გიზ გურ­ჩი­ა­ნის ურ­თი­ერ­თკავ­ში­რის შე­სა­ხებ ინ­ფორ­მა­ცი­ა.

- მა­ინც ვი­სი ბრძა­ნე­ბით გა­ი­ტა­ცეს ლე­ვან კა­ლა­ძე?

- ლე­ვან კა­ლა­ძი­სა და სხვა გა­ტა­ცე­ბე­ბის თავ­კა­ცი საზღ­ვარ­გა­რეთ "მოღ­ვა­წე­ობს", დი­დი მას­შტა­ბის კრი­მი­ნა­ლი­ა.

- ეს პი­როვ­ნე­ბა ტა­რი­ელ ონი­ა­ნი ხომ არ არის?

- დე­ტექ­ტი­უ­რი ნა­წარ­მო­ე­ბე­ბის წე­რას ჯერ არ ვა­პი­რებ, თუმ­ცა ხმას ავი­მაღ­ლებ მათ წი­ნა­აღ­მდეგ, ვი­საც მივ­წვდე­ბი...

- თენ­გიზ გურ­ჩი­ან­ზე რას იტყ­ვით?

- ეს ის გურ­ჩი­ა­ნი­ა, ვის­ზეც იმ­ჟა­მინ­დელ­მა გენ­პრო­კუ­რორ­მა ირაკ­ლი ოქ­რუ­აშ­ვილ­მა და­მი­რე­კა სპე­ცო­პე­რა­ცი­ი­დან ერთ კვი­რა­ში და მითხ­რა, ჩვე­ნი კა­ცი­ა­ო. სწო­რედ გურ­ჩი­ა­ნი იყო გა­ტა­ცე­ბე­ბის ერ­თ-ერ­თი თავ­კა­ცი. ვთვლი, რომ გურ­ჩი­ანს, გვი­ჩი­ან­სა და ამ საქ­მის სხვა მო­ნა­წი­ლე­ებს სას­ჯე­ლის მოხ­დის შემ­დეგ უფ­რო მე­ტი სარ­გებ­ლის მო­ტა­ნა შე­უძ­ლი­ათ სა­ზო­გა­დო­ე­ბი­სა და ქვეყ­ნის­თვის, ვიდ­რე სა­ა­კაშ­ვილს და მის ბან­დას. უნ­და გე­ში­ნო­დეს იმ ადა­მი­ა­ნე­ბის, ვინც ამ­დენს და­ა­შა­ვებს, ამ­დენ ადა­მი­ანს პო­ლიტ­პა­ტიმ­რად აქ­ცევს, უმ­წიკ­ვლო პრო­ფე­სი­ო­ნალს ოჯახს და­უნ­გრევს და გა­და­უვ­ლის.

- სა­ა­კაშ­ვილ­მა სა­კუ­თარ თავ­ზე და­ი­კის­რა ეცე­რის სპე­ცო­პე­რა­ცი­ის ჩა­ტა­რე­ბა­ზე პა­სუ­ხის­მგებ­ლო­ბა, თუმ­ცა შე­ეძ­ლო ეთ­ქვა, რომ სან­ქცია ოქ­რუ­აშ­ვილ­მა გას­ცა...

- სა­ა­კაშ­ვილ­სა და ოქ­რუ­აშ­ვილს ერ­თმა­ნე­თის ეში­ნო­დათ და დღე­საც ასე­ა. არის ფაქ­ტე­ბი, რო­მელ­თა გახ­მა­უ­რე­ბის ორი­ვეს ეში­ნია და ამი­ტომ ერ­თმა­ნეთს ბო­ლომ­დე ვერ წი­რა­ვენ.

- ბა­ტო­ნო ბა­თო, იმ 200 ათას დო­ლარს რა ბე­დი ეწი­ა, ვის­თან დარ­ჩა?

- 10 ათა­სი დო­ლა­რი კა­ლა­ძე­ებს და­უბ­რუნ­და, 20 ათა­სი გა­და­ე­ცა ნო­დარ გვი­ჩი­ანს, რო­გორც შუ­ა­მა­ვალს, და­ნარ­ჩე­ნი თან­ხის შე­სა­ხებ ჰკითხ­ეთ სის­ხლი­ა­ნი სპე­ცო­პე­რა­ცი­ის ჩამ­ტა­რებ­ლებს, რომ­ლებ­მაც თა­ნამ­შრომ­ლო­ბა­ზე წა­მო­სუ­ლი მნიშ­ვნე­ლო­ვა­ნი მოწ­მე მო­მიკ­ლეს.

- ბრალ­დე­ბის მტკი­ცე­ბით, თქვენ აფ­რა­სი­ძე­ე­ბის მო­სამ­სა­ხუ­რე ვლა­დი­მერ მუ­რა­ვი­ოვს გა­მოს­ძა­ლეთ ჩვე­ნე­ბა და ათ­ქმე­ვი­ნეთ, კა­ლა­ძე აფ­რა­სი­ძე­ებ­თან მყავს ნა­ნა­ხი­ო. ამა­ზე რა პა­სუ­ხი გაქვთ?

- სხვა­თა შო­რის, მუ­რა­ვი­ო­ვი უნი­კა­ლუ­რი კა­ცი­ა, აქვს სა­ო­ცა­რი მეხ­სი­ე­რე­ბა. ჩვენ ოფი­ცი­ა­ლუ­რად მო­ვითხ­ო­ვეთ მი­სი მოწ­მედ და­კითხ­ვა, სპე­ცე­ტა­პით ჩა­მო­ვიყ­ვა­ნეთ ზუგ­დი­დი­დან თბი­ლის­ში. იზო­ლა­ტორ­ში მო­თავ­სე­ბამ­დე მუ­რა­ვი­ოვს რამ­დე­ნი­მე წუ­თით გა­ვე­სა­უბ­რე და გა­მო­ძი­ე­ბას­თან თა­ნაშ­რომ­ლო­ბა შევ­თა­ვა­ზე. მე­ო­რე დი­ლით დავ­რე­კე და მო­ვი­კითხე იზო­ლა­ტორ­ში, მო­რი­გემ მითხ­რა, მუ­რა­ვი­ო­ვი ჩვენ­თან დი­ლით მო­იყ­ვა­ნე­სო. კითხ­ვა­ზე - სად ჰყავ­დათ მა­ნამ­დე მოწ­მე, მი­პა­სუ­ხა, რომ მუ­რა­ვი­ო­ვი მთე­ლი ღა­მის გან­მავ­ლო­ბა­ში კრი­მი­ნა­ლუ­რი პო­ლი­ცი­ის უფ­როს ზა­ზა ფე­რა­ძეს ჰყავ­და კა­ბი­ნეტ­ში. საწყ­ა­ლი კა­ცი თურ­მე დი­ლამ­დე უწ­ვა­ლე­ბი­ათ. მე დავ­ტუქ­სე ფე­რა­ძე უკა­ნო­ნო მოქ­მე­დე­ბის გა­მო და მკაც­რად გა­ვაფ­რთხი­ლე, აღარ გა­ე­ბე­და ჩემს საქ­მე­ში ჩა­რე­ვა. მე და ჩემს თა­ნამ­შრომ­ლებს მუ­რა­ვი­ო­ვის მი­მართ უკა­ნო­ნო­ბა არ ჩაგ­ვი­დე­ნი­ა, რაც მან არა­ერ­თხელ გა­ნაცხ­ა­და სა­სა­მარ­თლო პრო­ცე­სებ­ზე, რი­თაც გა­მო­ა­აშ­კა­რა­ვა ჩემ მი­მართ შეთხ­ზუ­ლი ცრუ ბრალ­დე­ბე­ბი.

- თქვით, საქ­მეს რომ ვხსნი­დი, სა­ა­კაშ­ვილ­საც უხა­რო­და და სხვებ­სა­ცო. რა მოხ­და შემ­დეგ, რა­ტომ შე­გი­შა­ლეს ხელი გა­მო­ძი­ე­ბა­ში, რა გახ­და ამის მი­ზე­ზი?

- თავ­და­პირ­ვე­ლად მარ­თლა ცდი­ლობ­დნენ საქ­მის გახ­სნას, ამი­ტო­მაც გა­მო­მი­ძა­ხეს, შემ­დეგ კი უკან და­ი­ხი­ეს და მათ­თვის დი­დი პრობ­ლე­მა შე­ვი­ქე­ნი. სხვა­თა შო­რის, არც ოქ­რუ­აშ­ვი­ლი იყო გახ­სნის წი­ნა­აღ­მდე­გი, თუმ­ცა შემ­დეგ გაჩ­ნდა გარ­კვე­უ­ლი წი­ნა­აღ­მდე­გო­ბე­ბი. უკან­და­ხე­ვა რით იყო გა­მოწ­ვე­უ­ლი - ახ­ლობ­ლო­ბით თუ მოს­ყიდ­ვით, ამას თა­ვის დრო­ზე ვიტყ­ვი და და­ვამ­ტკი­ცებ.

- ბა­ტო­ნო ბა­თო, რო­დე­საც ზუ­რაბ დგე­ბუ­ა­ძემ გა­გაფ­რთხი­ლათ, რომ თქვენს და­პა­ტიმ­რე­ბას აპი­რებ­დნენ, რა­ტომ არ და­ტო­ვეთ ქვე­ყა­ნა?

- მე იმას უფ­რო ვე­ლო­დი, რომ ფი­ზი­კუ­რად გა­მა­ნად­გუ­რებ­დნენ. ქარ­თვე­ლი კა­ცი ვარ და, რა ვქნა, ვერ მი­ვი­ღე ქვეყ­ნის და­ტო­ვე­ბის გა­დაწყ­ვე­ტი­ლე­ბა. შე­მეძ­ლო, თუნ­დაც აფ­ხა­ზეთ­ში წავ­სუ­ლი­ყა­ვი ან და­მე­ტო­ვე­ბი­ნა სა­ქარ­თვე­ლო. ძა­ლი­ან მიყ­ვარს აფ­ხა­ზე­თი და აფ­ხა­ზე­ბი, უნი­კა­ლუ­რი ხალ­ხი­ა, შე­მეძ­ლო მათ­თა­ნაც დავ­რჩე­ნი­ლი­ყა­ვი, ხე­ლისგულ­ზე მა­ტა­რებ­დნენ, მაგ­რამ ვერც ამას გა­ვა­კე­თებ­დი. მერ­ჩივ­ნა იმ სი­ბინ­ძუ­რე­ში მოვ­ხვედ­რი­ლი­ყა­ვი, რა­საც ქარ­თუ­ლი ცი­ხე ჰქვი­ა, ვიდ­რე ქვეყ­ნი­დან წავ­სუ­ლი­ყა­ვი.

- მარ­თლა იყო სა­პა­ტიმ­რო­ში თქვე­ნი ლიკ­ვი­და­ცი­ის მცდე­ლო­ბა?

- დი­ახ, ცი­ხე­ში ყოფ­ნი­სას რამ­დენ­ჯერ­მე სცა­დეს ჩე­მი ლიკ­ვი­და­ცი­ა. სპი­კერ­-მო­სა­მარ­თლე შო­რე­ნა გუნ­ცა­ძეს გა­ნა­ჩენ­ში ჩა­ა­წე­რი­ნეს, სა­ღი­ნა­ძეს აქვს გუ­ლის ქრო­ნი­კუ­ლი იშე­მი­უ­რი და­ა­ვა­დე­ბა­ო. ეს იმას ნიშ­ნავ­და, რომ ნე­ბის­მი­ერ დროს შე­იძ­ლე­ბო­და ჩემ­თვის "გუ­ლის გა­ჩე­რე­ბა", რა­საც შემ­დგომ ამ გა­მო­გო­ნი­ლი და­ა­ვა­დე­ბით ახ­სნიდ­ნენ. ცი­ხე­ში რამ­დენ­ჯერ­მე იყო მცდე­ლო­ბა ჩე­მი კრი­მი­ნა­ლებ­თან და­პი­რის­პი­რე­ბი­სა, რაც ჩე­მი ლიკ­ვი­და­ცი­ით უნ­და დას­რუ­ლე­ბუ­ლი­ყო...

- ცი­ხე­ში რო­გორ გეპყ­რო­ბოდ­ნენ?

- მე ჩე­მი ოჯა­ხი უფ­რო მე­ცო­დე­ბო­და, რო­მელ­საც გა­ნუწყ­ვეტ­ლივ დევ­ნიდ­ნენ, თით­ქმის ყვე­ლა და­ას­ნე­უ­ლეს... ვი­ცო­დი, რა შე­ეძ­ლოთ გა­ე­კე­თე­ბი­ნათ ვა­სოს­თვის, ჩე­მი ვა­ჟის­თვის, გახ­და კი­დეც დევ­ნის ობი­ექ­ტი - ვა­სოც გა­მომ­ძი­ე­ბე­ლია და ახალ­გაზ­რდა კა­ცი 2004 წელს იძუ­ლე­ბით გა­უშ­ვეს პენ­სი­ა­ში, არა­და, ერთ თვე­ში პოლ­კოვ­ნი­კის წო­დე­ბა უნ­და მი­ე­ღო. მე მტკი­ო­და ოჯა­ხი და ის, რაც ქვე­ყა­ნა­ში ხდე­ბო­და, თო­რემ ცი­ხე­ში ყვე­ლა დიდ პა­ტივს მცემ­და. იქ ნორ­მა­ლუ­რი ხალ­ხიც ხომ არის?! თავ­და­პირ­ვე­ლად, სას­ჯე­ლაღ­სრუ­ლე­ბის მე-5 და­წე­სე­ბუ­ლე­ბა­ში ვი­ყა­ვი, ორ­ჯერ უმი­ზე­ზოდ გა­და­მიყ­ვა­ნეს და­ხუ­რულ ცი­ხე­ში, ე.წ. კრიტ­ში, სა­დაც სა­ში­ნე­ლი ვი­თა­რე­ბა იყო. გა­მო­ვაცხ­ა­დე შიმ­ში­ლო­ბა, ისე დავ­სუს­ტდი, სი­ა­რუ­ლი მი­ჭირ­და. მე-12 დღეს და­მი­ძა­ხა ცი­ხის უფ­როს­მა და მე­უბ­ნე­ბა - ბა­ტო­ნო ბა­თუ, გუ­ლი მეწ­ვის თქვე­ნი ცოდ­ვით, საკ­ვე­ბი მი­ი­ღე­თო. სა­ა­ვად­მყო­ფო­ში უნ­დო­დათ ჩე­მი გა­დაყ­ვა­ნა, მე კი თა­ნამ­შრომ­ლე­ბი­სათ­ვის გან­კუთ­ვნილ კო­ლო­ნი­ა­ში, ავ­ჭა­ლა­ში გა­დაყ­ვა­ნა მო­ვითხ­ო­ვე. წე­სით და კა­ნო­ნით, თა­ვი­დან­ვე იქ უნ­და გა­ვემ­წე­სე­ბი­ნეთ. რო­გორც იქ­ნა, გა­და­მიყ­ვა­ნეს. 2009 წელს კო­ტე კუბ­ლაშ­ვი­ლის სა­ხელ­ზე დავ­წე­რე გან­ცხა­დე­ბა პი­რო­ბით ვა­დამ­დე გა­თა­ვი­სუფ­ლე­ბის მოთხ­ოვ­ნით, ხერ­ხემ­ლის და­ა­ვა­დე­ბა მაქვს და იქ­ნებ გა­ით­ვა­ლის­წი­ნოთ­-მეთ­ქი. მაგ­რამ უა­რი მითხ­რეს. შემ­დეგ - გა­თა­ვი­სუფ­ლე­ბის­თვის ასა­კი მიწყ­ობ­და ხელს და არც მა­შინ შე­ი­ბერ­ტყეს ყუ­რი. მე დამ­ნა­შა­ვე ხე­ლი­სუფ­ლე­ბის პო­ლი­ტი­კუ­რი ამ­ბი­ცი­ე­ბის მსხვერ­პლი, პო­ლიტ­პა­ტი­მა­რი ვი­ყა­ვი. ჯერ კი­დევ 2004 წელს მივ­წე­რე პრე­ზი­დენტს წე­რი­ლი, რო­მელ­საც ასე ვამ­თავ­რებ­დი: მე ვარ პრო­ფე­სი­ო­ნა­ლი ქარ­თვე­ლი პო­ლი­ცი­ე­ლი, თქვენ აშე­ნებთ პო­ლი­ცი­ურ სა­ხელ­მწი­ფოს, რო­მე­ლიც და­აქ­ცევს ქვე­ყა­ნას და ჩვენც გაგ­ვწი­რავ­ს-მეთ­ქი. ხომ მი­ი­ღეს შე­დე­გი? წი­ნა ხე­ლი­სუფ­ლე­ბის ყვე­ლა პირ­ვე­ლი პი­რი მო­ნა­წი­ლე იყო ჩე­მი უბე­დუ­რე­ბის - სა­ა­კაშ­ვი­ლი, მე­რა­ბიშ­ვი­ლი, ოქ­რუ­აშ­ვი­ლი, ადე­იშ­ვი­ლი და სხვე­ბი, ყვე­ლა­ნი არ­ღვევ­დნენ კა­ნონს.

- რო­გორ შე­ა­ფა­სებთ სა­ტე­ლე­ვი­ზიო ეთერ­ში გავ­რცე­ლე­ბულ ცი­ხის სა­ში­ნელ კად­რებს?

- ოჯა­ხი არ ვი­ცი ისე, რო­გორც ცი­ხე და დამ­ნა­შა­ვე­თა სამ­ყა­რო. ცი­ხის უფ­რო­სად ვარ ნა­მუ­შე­ვა­რი და ასე­თი ბარ­ბა­რო­სო­ბა ჩემს თვალ­წინ არა­სო­დეს მომ­ხდა­რა, პა­ტიმ­რის შე­გი­ნე­ბა­საც არ ვა­პა­ტი­ებ­დი ვინ­მეს. გა­მა­ოგ­ნა ნა­ნახ­მა.

- ახ­ლა, რო­ცა მზად ხართ, სი­მარ­თლე თქვათ, არ ფიქ­რობთ, რომ საფ­რთხე კვლავ გე­მუქ­რე­ბათ?

- ადა­მი­ა­ნი ვერ აც­დე­ბა იმას, რაც უწე­რი­ა. ჩე­მი პრო­ფე­სი­ი­დან გა­მომ­დი­ნა­რე, ღმერ­თმა ამ­ხე­ლა სი­ბინ­ძუ­რეს შე­მა­ჭი­და და ეს ბე­დის­წე­რა იყო... ისე, რა თქმა უნ­და, საფ­რთხეს არ გა­მოვ­რიცხ­ავ.

- ნა­ნობთ, რომ შე­ე­ჭი­დეთ საქ­მეს, რო­მე­ლიც თქვენ­თვის, შე­იძ­ლე­ბა ით­ქვას, სა­ბე­დის­წე­რო აღ­მოჩ­ნდა?

- ლე­ვან კა­ლა­ძის საქ­მე სა­ბე­დის­წე­რო ვის­თვის აღ­მოჩ­ნდა, ამას ვნა­ხავთ... ბო­დიშს ვუხ­დი ჩემს ოჯახ­სა და ახ­ლობ­ლებს იმი­სათ­ვის, რომ ჩემ გა­მო ბევ­რი ტან­ჯვა გა­და­ი­ტა­ნეს. იმის­თვი­საც, რომ თი­თო­ე­ულ მათ­განს ნაკ­ლებ დროს ვუთ­მობ­დი, სით­ბოს ვაკ­ლებ­დი. მთე­ლი ცხოვ­რე­ბა დამ­ნა­შა­ვე­ე­ბის დევ­ნას შე­ვა­ლი­ე. ნა­ხე­ვა­რი სა­უ­კუ­ნის გან­მავ­ლო­ბა­ში ვემ­სა­ხუ­რე ქვე­ყა­ნას და ხე­ლი­სუფ­ლე­ბა­ში შემ­თხვე­ვით მო­სულ­მა ბიჭ­ბუ­ჭებ­მა ასე "და­მი­ფა­სეს" თავ­და­დე­ბა - გამ­წი­რეს და თით­ქმის გა­მა­ნად­გუ­რეს. თუმ­ცა სუ­ლი­ე­რად ვერ გამ­ტე­ხეს. მათ ჩე­მი და ქვეყ­ნის წი­ნა­შე მრა­ვა­ლი მი­უ­ტე­ვე­ბე­ლი და­ნა­შა­უ­ლი ჩა­ი­დი­ნეს, ბევ­რი ავ­ნეს ქვე­ყა­ნას და ახ­ლა კი­დევ ფა­ხი­ფუ­ხო­ბენ. იმე­დი მაქვს, სი­მარ­თლე გა­ი­მარ­ჯვებს და ყვე­ლას თა­ვი­სი მი­ეზღ­ვე­ბა.

ლე­ვან კა­ლა­ძი­სა და აფ­რა­სი­ძე­ე­ბის ტრა­გე­დი­ებ­ზე მას­მე­დი­ის აქ­ტი­უ­რი რე­ა­გი­რე­ბა რომ არ ყო­ფი­ლი­ყო, მე და ზუ­რაბ დგე­ბუ­ა­ძე ამ საქ­მე­ებ­თან და­კავ­ში­რე­ბუ­ლი 10-ზე მე­ტი ლიკ­ვი­დი­რე­ბუ­ლის ბედს გა­ვი­ზი­ა­რებ­დით. ამ საქ­მის გან­სა­ჯა­რო­ე­ბამ გა­ხა­და ჩე­მი პერ­სო­ნა ცნო­ბი­ლი... ფრთხი­ლობ­დნენ ჩე­მი ლიკ­ვი­და­ცი­ის მცდე­ლო­ბი­სას. ვი­ნა­ი­დან ჩემ­თან და­პი­რის­პირე­ბუ­ლი მა­ღალ­ჩი­ნოს­ნე­ბი თა­ვი­დან­ვე თავ­ხე­დუ­რად მოქ­მე­დებ­დნენ, ჩე­მი ლიკ­ვი­და­ცია დი­დი სიფ­რთხი­ლით თუ არ მოხ­დე­ბო­და, სა­ზო­გა­დო­ე­ბას გა­უჩ­ნდე­ბო­და ეჭ­ვი, რომ ეს მა­თი დაკ­ვე­თით მოხ­და. და­ახ­ლო­ე­ბით ისე­თი ეჭ­ვი, რო­გო­რიც გაჩნდა ცხო­ნე­ბულ გუ­რამ შა­რა­ძის მკვლე­ლო­ბა­ზე. სა­ზო­გა­დო­ე­ბის დი­დი ნა­წი­ლი ფიქ­რობს, რომ შარაძე მო­აკ­ვლე­ვი­ნა იმ პირ­მა, ვი­საც აკა­დე­მი­კო­სი აუ­ტან­ლად სძულ­და. ასე­თი­ვე აზ­რია ჩა­მო­ყა­ლი­ბე­ბუ­ლი ზვი­ად გამ­სა­ხურ­დი­ას, ზუ­რაბ ჟვა­ნი­ას, მი­ხე­ილ ქურ­და­ძი­სა და სხვა პირ­თა მკვლე­ლო­ბებ­ზე. ასე­თი საქმეების გახ­სნას სჭირ­დე­ბა ჭეშ­მა­რი­ტი პრო­ფე­სი­ო­ნა­ლე­ბი და არა მო­ლაყ­ბე დი­ლე­ტან­ტე­ბი. პრო­ფე­სი­ო­ნა­ლი, თავ­გან­წი­რუ­ლი და საქ­მის ფა­ნა­ტი­კო­სი სპე­ცი­ა­ლის­ტე­ბი კი ჩვენს ქვე­ყა­ნა­ში თით­ქმის არ არი­ან. ისე, კვეხ­ნის გა­რე­შე ვიტყ­ვი, რომ მე (უმ­ძი­მე­სი გახ­სნი­ლი საქ­მე­ე­ბი­დან თუ ვიმ­სჯე­ლებთ) ვარ ასე­თი პრო­ფე­სი­ო­ნა­ლი. თუმ­ცა ხელ­შეწყ­ო­ბი­სა და და­ფა­სე­ბის ნაც­ვლად, რა დამ­მარ­თეს ხე­ლი­სუფ­ლე­ბის ვა­ი­თავ­კა­ცებ­მა, რომ­ლე­ბმაც მოკ­ლე დრო­ში და­აქ­ცი­ეს და გა­ძარ­ცვეს ქვე­ყა­ნა, და­აგ­რო­ვეს მი­ლი­არ­დე­ბი და თა­ვი­ანთ მო­მა­ვალს უზ­რუნ­ვე­ლად წარ­მო­იდ­გე­ნენ, ცნო­ბი­ლი­ა. ცი­ხის ჯურ­ღმულ­ში ხან­გრძლი­ვი დრო­ით უკა­ნო­ნოდ გა­მომ­კე­ტეს იმ იმე­დით, რომ ჩე­მი წლო­ვა­ნე­ბის ადა­მი­ა­ნი ან ფი­ზი­კუ­რად ვერ გა­უძ­ლებ­და სა­ტან­ჯველს, ან იქა­უ­რი მე­თო­დე­ბით გა­მა­ნად­გუ­რებ­დნენ, რი­თაც ძა­ლი­ან დი­დ პრობ­ლე­მას მო­ი­შო­რებ­დნენ. სამ­წუ­ხა­რო­ა, რომ კრი­მი­ნა­ლურ­მა სამ­ყა­რომ უფ­რო და­მი­ფა­სა მათ მი­მართ ჩე­მი სა­მარ­თლი­ა­ნი და ობი­ექ­ტუ­რი მიდ­გო­მა და, ხე­ლი­სუფ­ლე­ბის მხრი­დან ზე­მოქ­მე­დე­ბის მი­უ­ხე­და­ვად, არ მო­ახ­დი­ნეს ჩე­მი ლიკ­ვი­და­ცი­ა, რაც ცი­ხის პი­რო­ბებ­ში არ გა­უ­ჭირ­დე­ბო­დათ. ამი­ტომ ჩა­მო­მი­ყა­ლიბ­და აზ­რი, რომ კრი­მი­ნა­ლე­ბი უფ­რო სა­მარ­თლი­ა­ნე­ბი აღ­მოჩ­ნდენ, ვიდ­რე ხე­ლი­სუფ­ლე­ბა­ში მოხ­ვედ­რი­ლი უზ­ნე­ო, ფლი­დი არა­კა­ცე­ბი.

და­სას­რულ - ეს ჭარ­მა­გი კა­ცი ვამ­ბობ, უფალ­მა არ გა­ი­მე­ტა სა­ქარ­თვე­ლო გა­სა­ნად­გუ­რებ­ლად. სა­ქარ­თვე­ლო გა­დარ­ჩე­ბა, ზნე­ო­ბა და სა­მარ­თლი­ა­ნო­ბა და­ფას­დე­ბა. ასე ვხე­დავ ჩვენს მო­მა­ვალს მე, ერ­თი რი­გი­თი ქარ­თვე­ლი - ბა­თო სა­ღი­ნა­ძე!

ნა­ნა ფიცხ­ე­ლა­უ­რი

ყოველკვირეული გაზეთი "ყველა სიახლე"

(გამოდის ოთხშაბათობით)