გერმანიაში ქართველი ოქრომჭედელი ალეკო საგინაშვილი დააყაჩაღეს

გერმანული პრესის ცნობით, ქალაქ ჰამბურგში მცხოვრები ოქრომჭედელი ალეკო საგინაშვილი დააყაჩაღეს.

მძარცველებმა საგინაშვილი სასტიკად სცემეს, დაჭრეს და გაძარცვეს. პოლიციის განცხადებით, ორი მძარცველიდან ერთ-ერთი ქართველი, მეორე კი რუსი იყო. ისინი საიუველირო მაღაზიიდან გამოსვლისთანავე დააკავეს.

დამნაშავეებმა ვერ შენიშნეს, რომ საიუველირო მაღაზიაში ასევე იმყოფებოდა მოწმე, საგინაშვილის მეგობარი გოგონა, რომელიც ძარცვის განმავლობაში მაღაზიაში იმალებოდა. პოლიციასაც მომხდარი სწორედ მან შეატყობინა. გერმანული პრესა უკვე მოიხსენიებს ამ შემთხვევას წლის ყველაზე იდიოტურ დანაშაულად.

მომზადებულია Bild.de-ის მიხედვით.