რუსთავის მოსახლეობის დიდ ნაწილს გაზი არ მიეწოდება

რუსთავის მოსახლეობის დიდ ნაწილს ბუნებრივი აირი უკვე მეორე დღეა, არ მიეწოდება. როგორც "რუსთავგაზში" აცხადებენ, ამის მიზეზი გაზსადენზე მომხდარი დაზიანება გახდა. კერძოდ, მარცხენა და მარჯვენა სანაპიროს დამაკავშირებელ ცენტრალური ხიდის ქვეშ საშუალო წნევის მილი მტკვარში ჩავარდა, რამაც მილსადენის ურდულის გატეხვა გამოიწვია.

ამ დროისთვის რუსთავის რამდენიმე ათასი აბონენტი კვლავ ბუნებრივი აირის გარეშეა.

ამასთანავე, მეგობრობის გამზირის რამდენიმე უბანს ამ დროისათვის ელექტროენერგიაც არ მიეწოდება.

"ინტერპრესნიუსი"