სასჯელაღსრულების დეპარტამენტს ახალი ხელმძღვანელი ჰყავს

სასჯელაღსრულების დეპარტამენტის (სად) უფროსად ყოფილი პროკურორი მიხეილ ღურწკაია დაინიშნა. როგორც "ინტერპრესნიუსს" სასჯელაღსრულების სამინისტროში განუცხადეს, ღურწკაია სასჯელაღსრულების სამინისტროში პროკურატურიდან გადავიდა.

რაც შეეხება სასჯელაღსრულების დეპარტამენტის ყოფილ ხელმძღვანელს მაია ხასიას, ის სასჯელაღსრულებისა და პრობაციის სასწავლო ცენტრის ხელმძღვანელად გადაიყვანეს.

სასჯელაღსრულების სამინისტროს განცხადებით, ხასიას გააჩნია მაღალი კვალიფიკაცია, როგორც ტრენერობის, ასევე არასამთავრობო სექტორში მუშაობის. შესაბამისად, უწყების განცხადებით, სასჯელაღსრულებისა და პრობაციის სასწავლო ცენტრის ხელმძღვანელის თანამდებობაზე ხასია კარგი კანდიდატურაა.

"ინტერპრესნიუსი"