თბილისის ერთ-ერთ ქვესადგურში ავარიაა, რის გამოც ელექტროენერგიის მიწოდება ქალაქის გარკვეულ უბნებს შეუწყდა.
როგორც "ინტერპრესნიუსს" სახელმწიფო ენერგოსისტემიდან აცნობეს, ქვესადგურის ავარიის მიზეზი უცნობია. აღნიშნულის შედეგად ელექტროენერგია არ მიეწოდება აღმაშენებლის გამზირს, საბურთალოს, ვერისა და დიდუბის რაიონის ნაწილს.
ენერგოსისტემის წარმომადგენელთა ცნობით, მიმდინარეობს სარეზერვო სქემაზე გადასვლა და თბილისის რაიონებს ელექტრომომარაგება უახლოეს ხანში აღუდგება.