"ნაციონალურმა მოძრაობამ" სხდომათა დარბაზი დატოვა
"ნაციონალურმა მოძრაობამ" პარლამენტის პლენარულ სხდომათა დარბაზი დატოვა. როგორც პარლამენტის თავმჯდომარე დავით უსუფაშვილმა აღნიშნა, საპარლამენტო უმცირესობა დარბაზიდან კონსულტაციებისთვის გავიდა და ეს საპროტესტო ნაბიჯი არ არის.
საპარლამენტო უმცირესობის წარმომადგენლებმა საკონსტიტუციო ცვლილებებთან დაკავშირებით სიტყვით გამოსვლები დაასრულეს. ამასთან, პარლამენტმა დღევანდელი პლენარული სხდომის 21:00 საათამდე გაგრძელების გადაწყვეტილება მიიღო.
საქართველოს პარლამენტის თავმჯდომარესა და საპარლამენტო უმცირესობას შორის მცირე კონსულტაცია გაიმართა. პლენარული სესიის მიმდინარეობისას პარლამენტის შენობის ფოიეში, სხდომათა დარბაზის შესასვლელთან უსუფაშვილისა და უმცირესობის წარმომადგენლებს შორის საუბარი შედგა. საუბარი, სავარაუდოდ, საკონსტიტუციო ცვლილებებს ეხებოდა.
როგორც პარლამენტის თავმჯდომარემ, დავით უსუფაშვილმა ჟურნალისტებს განუცხადა, ის, როგორც პარლამენტის თავმჯდომარე, არის უმცირესობის თავმჯდომარეც და უმრავლესობისაც და კონსულტაციას ყველასთან აწარმოებს.
ამჟამად დავით უსუფაშვილი დაუბრუნდა თავმჯდომარის ადგილს და საკონსტიტუციო ცვლილებების განხილვა მისი თავმჯდომარეობით პლენარულ სესიაზე გრძელდება.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
