კახეთში 37 წლის მამაკაცმა 15 წლის მოზარდი დაჭრა

სიღნაღის რაიონის სოფელ საქობოში, არასრულწლოვანი ცივი იარაღით დაჭრეს. 37 წლის დავით შალვაშვილმა 15 წლის მოზარდს ჭრილობა, საკუთარი სახლის ეზოში, მკლავის არეში მიაყენა. დაჭრილის დედის თქმით, შალვაშვილი ოჯახის ნათესავია და წარსულში ოჯახებს შორის დაძაბული ურთიერთობა არ ყოფილა.

მოზარდი ამ დროისთვის "არქიმედეს" წნორის კლინიკაშია მოთავსებული, სადაც პირველადი სამედიცინო დახმარება ჩაუტარდა. ექიმების თქმით, მის სიცოცხლეს საფრთხე არ ემუქრება.

მომხდართან დაკავშირებით უკვე დაიწყო გამოძიება. მოკვლევას შინაგან საქმეთა სიღნაღის რაიონული სამმართველო აწარმოებს.

"ინტერპრესნიუსი"