ვანო მერაბიშვილმა მიხეილ სააკაშვილის გამოსვლის დროს აქცია დატოვა

"ნაციონალური მოძრაობის" გენერალურმა მდივანმა ვანო მერაბიშვილმა პარლამენტის წინ გამართული აქცია პრეზიდენტ მიხეილ სააკაშვილის სიტყვით გამოსვლის დროს დატოვა.

ვანო მერაბიშვილს მიხეილ სააკაშვილის გამოსვლისთვის არ მოუსმენია. აქციიდან წასვლამდე მან ჟურნალისტებთან საუბრისას განაცხადა, რომ დღევანდელი აქციით კმაყოფილია.

აქცია პარლამენტის წინ დღეს 16.00 საათზე დაიწყო და დაახლოებით ორსაათნახევრის განმავლობაში გაგრძელდა. აქციაზე გაკეთდა განცხადება, რომ დღეიდან "ნაციონალური მოძრაობა" ახალ ეროვნულ მოძრაობას იწყებს. აქციაზე სიტყვით გამოვიდა პრეზიდენტი მიხეილ სააკაშვილი. მანამდე კი მონაწილეებს ვანო მერაბიშვილმა და გიგი უგულავამ მიმართეს.

"ინტერპრესნიუსი"