პროსტიტუციისთვის ადგილის გამოყოფისთვის სასტუმროების მფლობელები დააკავეს
შინაგან საქმეთა სამინისტრომ პროსტიტუციისთვის ადგილის გამოყოფისთვის სასტუმროების მფლობელები დააკავა. სამინისტროს ცნობით, აჭარის მთავარი სამმართველოს დეტექტივების სამმართველოს თანამშრომლებმა, ოპერატიულ-საგამოძიებო მოქმედებების შედეგად დააკავეს ბათუმის სასტუმრო " სთარის" მფლობელები: გელა ტ. და თურქეთის რესპუბლიკის მოქალაქე რამაზან ი, ასევე სასტუმრო "გენაცვალეს" მფლობელი, თამაზ ა.
დაკავებულები აღიარებენ ჩადენილ დანაშაულს. ისინი გადაყვანილი არიან ბათუმის დროებითი დაკავების იზოლატორში.
ამასთან, ერთ-ერთი სასტუმროს კლუბიდან ამოღებულია ნარკოტიკული საშუალებები "მარიხუანა" და "ექსტაზი".
შს სამინისტროს ცნობით, მოწმის სტატუსით დაიკითხნენ სასტუმროებში მომუშავე ქალბატონები.
გამოძიება მიმდინარეობს სსკ-ს 254–ე მუხლით (პროსტიტუციისთვის ადგილის ან საცხოვრელის გამოყოფა).
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
