მაია ფანჯიკიძე - "მიხეილ სააკაშვილი 26 მაისის ღონისძიებებში მონაწილეობას მიიღებს როგორც რიგითი მოქალაქე"

საქართველოს საგარეო საქმეთა მინისტრი, მაია ფანჯიკიძე დარწმუნებულია, რომ ქვეყნის პრეზიდენტი, მიხეილ სააკაშვილი 26 მაისის ღონისძიებებში მონაწილეობას მიიღებს როგორც რიგითი მოქალაქე. ამის შესახებ ჟურნალისტებს მაია ფანჯიკიძემ განუცხადა.

კითხვაზე: თუ რა ფორმით იქნება პრეზიდენტი ჩართული 26 მაისის ღონისძიებებში მინისტრმა უპასუხა: "პრეზიდენტი, როგორც საქართველოს მოქალაქე მე დარწმუნებული ვარ, რომ მიიღებს მონაწილეობას. რაც შეეხება ამ ღონისძიებას, ეს არ იქნება ისეთი, როგორიც იყო აქამდე, რომ აი, მთავრობა რაღაცას აკეთებს და მთელი დანარჩენი საქართველო უყურებს. ეს იქნება საერთო ეროვნული ზეიმი. ამ საერთო ეროვნულ ზეიმზე მეც თქვენთან ერთად მივიღებ მონაწილეობას", - დასძინა მაია ფანჯიკიძემ.

რაც შეეხება კომისიის სხდომას, ის ჯერ არ დამთავრებულა და ამ წუთებშიც მიმდინარეობს.

"ინტერპრესნიუსი"