რუსმა მესაზღვრეებმა მეჯვრისხევის გასასვლელთან 55 წლის ავთანდილ კვირიკაშვილი დააკავეს
რუსმა მესაზღვრეებმა სოფელ მეჯვრისხევის გასასვლელთან 55 წლის ავთანდილ კვირიკაშვილი დააკავეს და ღრომის ხეობის მიმართულებით წაიყვანეს.
ადგილობრივები ვარაუდობენ, რომ კვირიკაშვილი ღრომის მილიციიდან ცხინვალის მიმართულებით გადაიყვანეს. სავარაუდოდ, ბოლო პერიოდში სხვა დაკავებულების მსგავსად კვირიკაშვილსაც საზღვრის უკანონოდ გადაკვეთას დასდებენ ბრალს, თუმცა, თვითმხილველები აცხადებენ, რომ კვირიკაშვილი ქართული მხარის კონტროლირებად ტერიტორიაზე იმყოფებოდა.
მოსახლეობის განცხადებით, ბოლო პერიოდში საზღვრის უკანონოდ გადაკვეთის ბრალდებით დაკავებები იმის გამო გახშირდა, რომ ოსური მხარე საჯარიმო სანქციებს იყენებს. დაკავებულებს გარკვეულ საჯარიმო თანხას ახდევინებს და სწორედ აქედან გამომდინარე ხდება მასობრივად საზღვრისპირა სოფლებში დაკავება, რომ მათ ბიუჯეტში გარკვეული თანხები შევიდეს.
როგორც ცნობილია, სოფელ მეჯვრისხევში დაკავებული კვირიკაშვილის გათავისუფლებასთან დაკავშირებით საქართველოს შს სამინისტროს წარმომადგენლები მოლაპარაკებებს აწარმოებენ და, სავარაუდოდ, მისი გათავისუფლება მოკლე დროში მოხერხდება.
მასწავლებელი ოკუპირებული აფხაზეთიდან, რომელიც საქართველოს 5 საუკეთესო პედაგოგს შორისაა, მისი წიგნები კი ბესტსელერია
"სიკვდილ-სიცოცხლის არჩევანის წინაშე გვაყენებენ, მიგრაცია გარდაუვალია" - უვადოდ ჩაკეტილი ახალგორის გზა და ცხოვრება იზოლაცაში
