რუსთაველის გამზირზე დაკავებული ყველა პირი გათავისუფლებულია

ამ დროისთვის რუსთაველის გამზირზე დაკავებული ყველა პირი გათავისუფლებულია, - ამის შესახებ შინაგან საქმეთა სამინისტროში გამართულ ბრიფინგზე გახდა ცნობილი.

"დღეს სტუდენტების მიერ ორგანიზებული აქციის მსვლელობისას, აქციის ზოგიერთი მონაწილის მხრიდან ადგილი ჰქონდა საზოგადოებრივი წესრიგის დარღვევას. აქციის მსვლელობისას დაზიანდა ერთ-ერთი მოქალაქის და რამდენიმე საპატრულო პოლიციის მანქანა. საპატრულო პოლიციის თანამშრომლებმა აქციის მონაწილეებს არაერთხელ მოუწოდეს წესრიგის დაცვისაკენ, თუმცა სამართალდამცავებს არ დაემორჩილნენ, რის შედეგადაც მოხდა მათი ადმინისტრაციული წესით დაკავება. აღნიშნულ ფაქტზე ამ ეტაპზე მიმდინარეობს ადმინისტრაციული სამართალწარმოება, ხოლო ყველა დაკავებული პირი გათავისუფლებულია", - განაცხადეს შს სამინისტროში.

იხილეთ ვიდეო

"ინტერპრესნიუსი"