მის­ცემს თუ არა მე­რა­ბიშ­ვი­ლი პრე­ზი­დენ­ტის წი­ნა­აღ­მდეგ ჩვე­ნე­ბას

ექ­სპრე­მი­ე­რი­სა და "ნა­ცი­ო­ნა­ლუ­რი მოძ­რა­ო­ბის" გე­ნე­რა­ლურ მდი­ვან ვა­ნო მე­რა­ბიშ­ვი­ლის და­კა­ვე­ბი­დან ერ­თი კვი­რის თავ­ზე პრო­კუ­რა­ტუ­რა წი­ნას­წარ და­ა­ნონ­სე­ბუ­ლი ბრალ­დე­ბე­ბის გა­მომ­ზე­უ­რე­ბას იწყ­ებს. ამ­ჯე­რად საქ­მე შე­ე­ხე­ბა 2011 წლის 26 მა­ი­სის ღა­მეს რუს­თა­ველ­ზე გან­სა­კუთ­რე­ბუ­ლი სი­სა­სტი­კით დარ­ბე­ულ აქ­ცი­ას, რომ­ლის დრო­საც სა­მი ადა­მი­ა­ნი და­ი­ღუ­პა, მათ­გან ერ­თი პო­ლი­ცი­ე­ლი. ამას­თა­ნა­ვე, და­ა­კა­ვეს არა­ერ­თი ადა­მი­ა­ნი, რომ­ლებ­საც თა­ვი­სუფ­ლე­ბის აღ­კვე­თის შემ­დე­გაც არა­ადა­მი­ა­ნუ­რად ეპყ­რო­ბოდ­ნენ უკ­ვე სა­პა­ტიმ­რო და­წე­სე­ბუ­ლე­ბებ­ში. იმ კოშ­მა­რუ­ლ ღა­მეს არა­ერ­თი ადა­მი­ა­ნი და­სა­ხიჩ­რდა ფი­ზი­კუ­რა­დაც და სუ­ლი­ე­რა­დაც.

სა­ქარ­თვე­ლოს მთა­ვა­რი პრო­კუ­რა­ტუ­რის გან­ცხა­დე­ბით, ვა­ნო მე­რა­ბიშ­ვი­ლი ცნო­ბილი იქ­ნა ბრალ­დე­ბუ­ლად 2011 წლის 26 მა­ისს და­მამ­ძი­მე­ბელ გა­რე­მო­ე­ბებ­ში სამ­სა­ხუ­რებ­რი­ვი უფ­ლე­ბა­მო­სი­ლე­ბის გა­და­მე­ტე­ბის­თვის. და­ნა­შა­უ­ლი, რო­მელ­შიც ყო­ფილ პრე­მი­ერს სდე­ბენ ბრალს, 5-დან 8 წლამ­დე თა­ვი­სუფ­ლე­ბის აღ­კვე­თას ით­ვა­ლის­წი­ნებს.

"2011 წლის 26 მა­ისს ში­ნა­გან საქ­მე­თა იმ­დრო­ინ­დელ მი­ნისტრ ივა­ნე მე­რა­ბიშ­ვი­ლის უშუ­ა­ლო და­ვა­ლე­ბი­თა და ხელ­მძღვა­ნე­ლო­ბით და­ი­გეგ­მა არა საპ­რო­ტეს­ტო აქ­ცი­ის დაშ­ლის, ანუ მას­ში მო­ნა­წი­ლე პი­რე­ბის შეკ­რე­ბის ად­გი­ლი­დან პრო­პორ­ცი­უ­ლი ძა­ლის გა­მო­ყე­ნე­ბით გა­ძე­ვე­ბი­სა და გა­ფან­ტვი­სათ­ვის ორ­გა­ნი­ზე­ბუ­ლი ლე­გი­ტი­მუ­რი ღო­ნის­ძი­ე­ბა, არა­მედ გან­სხვა­ვე­ბუ­ლი პო­ლი­ტი­კუ­რი შე­ხე­დუ­ლე­ბე­ბის მქო­ნე ადა­მი­ა­ნებ­ზე ფარ­თო­მასშ­ტა­ბი­ა­ნი და გა­ნურ­ჩე­ვე­ლი თავ­დას­ხმა, რომ­ლის გა­მოკ­ვე­თი­ლი მი­ზა­ნი იყო მა­თი მა­სობ­რი­ვი და­კა­ვე­ბა, და­ში­ნე­ბა, დას­ჯა, ფი­ზი­კუ­რი და ფსი­ქო­ლო­გი­უ­რი ზე­მოქ­მე­დე­ბა" - ვკითხ­უ­ლობთ პრო­კუ­რა­ტუ­რის გან­ცხა­დე­ბა­ში. პრე­სა გა­მუდ­მე­ბით წერ­და, რომ სა­მარ­თალ­დამ­ცა­ვებ­მა არ­ცთუ მ­რა­ვალ­რიცხ­ო­ვა­ნი მო­მი­ტინ­გე­ე­ბის და­საშ­ლე­ლად გა­მო­ი­ყე­ნეს რო­გორც წყლის ჭავ­ლი, ასე­ვე რე­ზი­ნის ტყვი­ე­ბი და ხელ­კე­ტე­ბი, არ მის­ცეს აქ­ცი­ის მო­ნა­წი­ლე­ებს გზა, რომ და­ე­ტო­ვე­ბი­ნათ შეკ­რე­ბის ად­გი­ლი, ისი­ნი, ფაქ­ტობ­რი­ვად, ალ­ყა­ში მო­აქ­ცი­ეს, რის შემ­დე­გაც სას­ტი­კად გა­უს­წორ­დნენ, რა­საც იმ­ჟა­მინ­დე­ლი ხე­ლი­სუფ­ლე­ბა კა­ტე­გო­რი­უ­ლად უარ­ყოფ­და, თუმ­ცა დღეს მთა­ვა­რი პრო­კუ­რა­ტუ­რა აცხ­ა­დებს, რომ გა­მო­ძი­ე­ბამ სწო­რედ ეს და­ად­გი­ნა: "პო­ლი­ცი­ამ წინ­და­წინ გა­და­კე­ტა მოს­წავ­ლე­-ა­ხალ­გაზ­რდო­ბის სა­სახ­ლის, სა­ქარ­თვე­ლოს პარ­ლა­მენ­ტის ყო­ფი­ლი შე­ნო­ბის, კი­ნო­თე­ატრ "რუს­თა­ვე­ლი­სა" და სხვა მიმ­დე­ბა­რე ქუ­ჩე­ბი. და­ახ­ლო­ე­ბით 00 სა­ათ­სა და 10 წუთ­ზე, პი­რა­დად ივა­ნე მე­რა­ბიშ­ვი­ლის ბრძა­ნე­ბი­თა და კონ­ტრო­ლით, "პო­ლი­ცი­ის შე­სა­ხებ" სა­ქარ­თვე­ლოს კა­ნო­ნის მოთხ­ოვ­ნა­თა სა­პი­რის­პი­როდ, კერ­ძოდ, მო­მი­ტინ­გე­ე­ბი­სათ­ვის ტე­რი­ტო­რი­ის ნე­ბა­ყოფ­ლო­ბით და­ტო­ვე­ბის­თვის აუ­ცი­­ლე­ბე­ლი გო­ნივ­რუ­ლი ვა­დის მი­ცე­მის გა­რე­შე, მხო­ლოდ ფორ­მა­ლუ­რი გაფ­რთხი­ლე­ბის შემ­დეგ, სა­პო­ლი­ციო ქვე­და­ნა­ყო­ფებ­მა და­უ­ყოვ­ნებ­ლივ და­იწყ­ეს მი­ტინ­გის დაშ­ლის ოპე­რა­ცი­ა. წყალ­სატყ­ორ­ცნი სა­შუ­ა­ლე­ბის გა­მო­ყე­ნე­ბის­თა­ნა­ვე, არ­სე­ბი­თი წი­ნა­აღ­მდე­გო­ბის გა­რე­შე, მო­მი­ტინ­გე­ე­ბი შე­ე­ცად­ნენ გაქ­ცე­ვას, თუმ­ცა, წი­ნას­წარ შე­თან­ხმე­ბუ­ლი ზე­მო­აღ­ნიშ­ნუ­ლი გეგ­მის შე­სა­ბა­მი­სად, მათ გან­ზრახ არ მი­ე­ცათ ტე­რი­ტო­რი­ი­დან უსაფ­რთხოდ გას­ვლი­სა და პო­ლი­ცი­ის მოთხ­ოვ­ნის შეს­რუ­ლე­ბის შე­საძ­ლებ­ლო­ბა. შე­სა­ბა­მი­სად, ალ­ყა­შე­მორ­ტყმულ მშვი­დო­ბი­ან მო­ქა­ლა­ქე­ებ­ზე ერ­თდრო­უ­ლად და ინ­ტენ­სი­უ­რად, რამ­დე­ნი­მე მი­მარ­თუ­ლე­ბი­დან, რე­ზი­ნის ხელ­კე­ტე­ბი­თა და ტყვი­ე­ბით აღ­ჭურ­ვილ­მა პო­ლი­ცი­ის რაზ­მებ­მა იე­რი­ში მი­ი­ტა­ნეს რო­გორც ქუ­ჩა­ში, ასე­ვე შე­ნო­ბებ­ში, რა დრო­საც შეგ­ნე­ბუ­ლად გა­მო­ი­ყე­ნეს გა­უ­მარ­თლებ­ლად არა­თა­ნა­ზო­მი­ე­რი და გა­და­ჭარ­ბე­ბუ­ლი ძა­ლა. შე­დე­გად, გარ­და­იც­ვა­ლა ორი (მა­თი სიკ­ვდი­ლის მი­ზე­ზის და­სა­ზუს­ტებ­ლად გა­მო­ძი­ე­ბა გრძელ­დე­ბა), და­სა­ხიჩ­რდა და ჯან­მრთე­ლო­ბის სხვა­დას­ხვა ხა­რის­ხის და­ზი­ა­ნე­ბა მი­ი­ღო სა­მა­სამ­დე ადა­მი­ან­მა. უსა­ფუძ­ვლოდ და­ა­კა­ვეს რამ­დე­ნი­მე ათე­უ­ლი პი­რი", - აცხ­ა­დე­ბენ პრო­კუ­რა­ტუ­რა­ში.

გა­მო­ძი­ე­ბის მი­ერ დად­გინ­და ისიც, რომ იმ­ჟა­მინ­დელ­მა ხე­ლი­სუფ­ლე­ბამ, სა­ერ­თა­შო­რი­სო სა­ზო­გა­დო­ე­ბი­სა და სა­ქარ­თვე­ლოს მო­სახ­ლე­ო­ბის დე­ზინ­ფორ­მი­რე­ბი­სა და შეც­დო­მა­ში შეყ­ვა­ნის მიზ­ნით, პო­ლი­ცი­ელ­თა უკა­ნო­ნო ქმე­დე­ბებ­ზე მხო­ლოდ თვალ­თმაქ­ცუ­რად მოახდინა რე­ა­გი­რება. კერ­ძოდ: "არ­სე­ბუ­ლი ვი­თა­რე­ბის გა­უბ­რა­ლო­ე­ბი­სა და, რაც მთა­ვა­რი­ა, და­ნა­შა­ულ­ში ივა­ნე მე­რა­ბიშ­ვი­ლი­სა და სხვა მა­ღა­ლი თა­ნამ­დე­ბო­ბის პი­რე­ბის მო­ნა­წი­ლე­ო­ბის შე­ნიღ­ბვის მიზ­ნით, დის­ციპ­ლი­ნუ­რი წე­სით მოჩ­ვე­ნე­ბი­თად და­ი­სა­ჯა ში­ნა­გან საქ­მე­თა სა­მი­ნის­ტროს 15 თა­ნამ­შრო­მე­ლი, რო­მელ­თა­გან არც ერ­თი უშუ­ა­ლოდ არ მო­ნა­წი­ლე­ობ­და მი­ტინ­გის დაშ­ლა­ში. სა­ყუ­რადღ­ე­ბო და ხაზ­გა­სას­მე­ლი­ა, რომ სა­მი მათ­გა­ნი აქ­ცი­ამ­დე იყო დათხ­ოვ­ნი­ლი ში­ნა­გან საქ­მე­თა ორ­გა­ნო­ე­ბი­დან".

ყო­ვე­ლი­ვე ამის გათ­ვა­ლის­წი­ნე­ბით, ბუ­ნებ­რი­ვად ის­მის კითხ­ვა: ამ­გვა­რი მას­შტა­ბის დარ­ბე­ვის გა­დაწყ­ვე­ტი­ლე­ბის მი­ღე­ბას და­მო­უ­კი­დებ­ლად, პრე­ზი­დენ­ტის გა­რე­შე გა­ბე­დავ­და კი ვა­ნო მე­რა­ბიშ­ვი­ლი? ექ­სპერ­ტე­ბი არ გა­მო­რიცხ­ა­ვენ, რომ 26 მა­ი­სის მოვ­ლე­ნებ­თან და­კავ­ში­რე­ბით, ად­რე თუ გვი­ან, მი­ხე­ილ სა­ა­კაშ­ვი­ლის პა­სუ­ხის­მგებ­ლო­ბის სა­კითხ­იც დად­გეს.

რა­მაზ საყ­ვა­რე­ლი­ძე, პო­ლი­ტო­ლო­გი:

- ძნე­ლად წარ­მო­სად­გე­ნი, უფ­რო სწო­რად, პრაქ­ტი­კუ­ლად გა­მო­რიცხ­უ­ლი­ა, რომ მე­რა­ბიშ­ვილს ამ დარ­ბე­ვის გა­დაწყ­ვე­ტი­ლე­ბა პრე­ზი­დენ­ტის­გან და­მო­უ­კი­დებ­ლად მი­ე­ღო. ეს რომ ასე ყო­ფი­ლი­ყო, მა­შინ მას მე­რე, რაც ამ დარ­ბე­ვას ასე­თი მძი­მე შე­დე­გი მოჰ­ყვა რო­გორც სა­ხელ­მწი­ფოს­თვის, ასე­ვე პრე­ზი­დენ­ტის იმი­ჯის­თვის, დი­დი ალ­ბა­თო­ბით, მი­ხე­ილ სა­ა­კა­შვილს ექ­ნე­ბო­და გარ­კვე­უ­ლი უარ­ყო­ფი­თი რე­აქ­ცია მე­რა­ბიშ­ვი­ლის მი­მართ და გარ­კვე­ულ ნა­ბი­ჯებს გა­დად­გამ­და სა­ჯა­როდ და არა ჩუ­მად, რა­თა თვი­თონ ბრალ­დე­ბე­ბი აე­ცი­ლე­ბი­ნა. მის­გან ამ­გვა­რი რე­აქ­ცია არ გვი­ნა­ხავს, მე­ტიც, პრე­ზი­დენ­ტმა ამ სას­ტი­კი დარ­ბე­ვის ად­გი­ლას დი­ლით აღ­ლუ­მი ჩა­ი­ბა­რა, რაც პირ­და­პირ მ­ი­ა­ნიშ­ნებს, რომ იმ ღა­მეს მოვ­ლე­ნე­ბი სწო­რედ მი­ხე­ილ სა­ა­კაშ­ვი­ლის გეგ­მის მი­ხედ­ვით გან­ვი­თარ­და.

- აქე­დან გა­მომ­დი­ნა­რე, შე­საძ­ლო­ა, მი­ხე­ილ სა­ა­კაშ­ვი­ლის პა­სუ­ხის­მგებ­ლო­ბის სა­კითხ­იც დად­გეს?

- რა თქმა უნ­და, ეს ნამ­დვი­ლად არ არის გა­მო­რიცხ­უ­ლი. ვიდ­რე მე და თქვენ რა­ღა­ცას ვვა­რა­უ­დობთ, პრო­კუ­რა­ტუ­რამ ამ ფაქ­ტის და­სა­სა­ბუ­თებ­ლად სე­რი­ო­ზუ­ლი მა­სა­ლა უნ­და წარ­მო­ად­გი­ნოს. ამის­თვის კი სა­ჭი­როა მე­რა­ბიშ­ვილ­მა ან ვინ­მე წო­ნი­ან­მა მოწ­მემ და­ა­დოს ხე­ლი სა­ა­კაშ­ვილს და თქვას, რომ სწო­რედ ის იყო 26 მა­ი­სის ტრა­გე­დი­ის შე­მოქ­მე­დი. ვიდ­რე ეს არ მოხ­დე­ბა, ის შეძ­ლებს ამ ბრალ­დე­ბის თა­ვი­დან აცი­ლე­ბას, თუმ­ცა მის მი­მართ აუ­ცი­ლებ­ლად იქ­ნე­ბა კითხ­ვე­ბი.

კა­ხა კა­ხიშ­ვი­ლი, ექ­სპერ­ტი:

- დარ­წმუ­ნე­ბუ­ლი ვარ, რომ მე­რა­ბიშ­ვი­ლი და­მო­უ­კი­დებ­ლად 26 მა­ისს დარ­ბე­ვას არც და­გეგ­მავ­და და არც ბრძა­ნე­ბას გას­ცემ­და. ჩე­მი აზ­რით, ამ პრო­ცეს­ში ჩარ­თუ­ლი იყო "ნა­ცი­ო­ნა­ლუ­რი მოძ­რა­ო­ბის" მთე­ლი პო­ლი­ტი­კუ­რი ელი­ტა. სა­ქარ­თვე­ლოს პრე­ზი­დენ­ტი­სა და პრო­კუ­რა­ტუ­რის გა­რე­შე მე­რა­ბიშ­ვი­ლი ამას რომ არ გა­ა­კე­თებ­და, ამას გან­ხილ­ვაც არ სჭირ­დე­ბა.

- ვა­ნო მე­რა­ბიშ­ვი­ლის და­კა­ვე­ბას წინ უს­წრებ­და და­თა ახა­ლა­ი­ას წე­რი­ლი, რო­მელ­შიც სწო­რედ მე­რა­ბიშ­ვილს და­უ­პი­რის­პირ­და. რო­გორ ფიქ­რობთ, შე­საძ­ლო­ა, რომ პრო­კუ­რა­ტუ­რის­თვის გარ­კვე­უ­ლი მა­სა­ლე­ბი სწო­რედ მას მი­ე­წო­დე­ბი­ნა?

- სა­ვა­რა­უ­დოდ, მტკი­ცე­ბუ­ლე­ბებ­ში აუ­ცი­ლებ­ლად იქ­ნე­ბა ჩვე­ნე­ბე­ბი, მათ შო­რის მა­ღა­ლი რან­გის პო­ლი­ცი­ე­ლე­ბის, სხვა შემ­თხვე­ვა­ში ასე­თი ბრა­ლის და­სა­ბუ­თე­ბა ძა­ლი­ან გა­ჭირ­დე­ბო­და. არის თუ არა მათ რიცხ­ვში და­თა ახა­ლა­ი­ა, ახ­ლა ძნე­ლი სათ­ქმე­ლი­ა, ყვე­ლა­ფე­რი გა­მოჩ­ნდე­ბა სა­სა­მარ­თლო­ში საქ­მის არ­სე­ბი­თი გან­ხილ­ვი­სას.

- თქვენ ახ­სე­ნეთ, რომ მთე­ლი პო­ლი­ტი­კუ­რი ხელ­მძღვა­ნე­ლო­ბა იქ­ნე­ბო­და ამ გა­დაწყ­ვე­ტი­ლე­ბის მი­ღე­ბა­ში ჩარ­თუ­ლი. ფიქ­რობთ, რომ მა­თი პა­სუ­ხის­მგებ­ლო­ბის სა­კითხ­იც დად­გე­ბა?

- მე მა­ინც ვფიქ­რობ, რომ რე­ა­ლუ­რად პრე­ზი­დენ­ტის პა­სუ­ხის­მგებ­ლო­ბის სა­კითხი არ დად­გე­ბა საპ­რე­ზი­დენ­ტო არ­ჩევ­ნე­ბამ­დე, რად­გან სა­ქარ­თვე­ლოს კონ­სტი­ტუ­ცი­ის შე­სა­ბა­მი­სად ეს, ფაქ­ტობ­რი­ვად, შე­უძ­ლე­ბე­ლი­ა.

- შე­საძ­ლე­ბლად მი­იჩ­ნევთ, რომ მე­რა­ბიშ­ვილ­მა ითა­ნამ­შრომ­ლოს გა­მო­ძი­ე­ბას­თან?

- პო­ლი­ტი­კა­ში ყვე­ლა­ფე­რი მო­სა­ლოდ­ნე­ლი­ა, მაგ­რამ ჯერ­ჯე­რო­ბით ვფიქ­რობ, რომ ვა­ნო მე­რა­ბიშ­ვი­ლი გა­მო­ძი­ე­ბას­თან არ ითა­ნამ­შრო­მლებს იმ კუთხ­ით, რომ გან­თქმი­თი ჩვე­ნე­ბე­ბი მის­ცეს საა­კაშ­ვი­ლის ან სხვა პო­ლი­ტი­კუ­რი ხელ­მძღვა­ნე­ლე­ბის წი­ნა­აღ­მდეგ. ამ ეტაპ­ზე, სა­ვა­რა­უ­დოდ, მე­რა­ბიშ­ვი­ლი ფიქ­რობს, რომ მი­სი გუნ­დის მხარ­დაჭე­რით, იმ კონ­ტაქ­ტე­ბის მეშ­ვე­ო­ბით, რაც "ნაც­მოძ­რა­ო­ბას" აქვს საზღ­ვარ­გა­რეთ, შე­საძ­ლე­ბე­ლია იმ­გვა­რი ზე­წო­ლა გან­ხორ­ცი­ელ­დეს ხე­ლი­სუფ­ლე­ბა­ზე, რომ ის გა­მო­უშ­ვან. ამი­ტო­მაც დღეს არ ვფიქ­რობ, რომ ის და­უ­პი­რის­პირ­დე­ბა სა­კუ­თარ გუნდს. თუ ვა­ნო მე­რა­ბიშ­ვი­ლი მიხ­ვდე­ბა, რომ მთე­ლი ცხრა წლის ხის­ტი მმარ­თვე­ლო­ბის გა­მო ჯო­ხი მხო­ლოდ მას­ზე ტყდე­ბა, მა­შინ შე­საძ­ლე­ბე­ლი­ა, გა­და­ი­ფიქ­როს კი­დეც და ითა­ნამ­შრომ­ლოს გა­მო­ძი­ე­ბას­თან. ჩვენ ხომ ვი­ცით, რომ პო­ლი­ტი­კუ­რი პრო­ცე­სი არ არის მხო­ლოდ ის, რაც ზე­და­პირ­ზე ჩანს, შე­იძ­ლე­ბა და­ვუშ­ვათ ის ვერ­სი­აც, რომ ვა­ნო მე­რა­ბიშ­ვი­ლი უბ­რა­ლოდ გა­იც­ვა­ლა, ანუ გა­ი­წი­რა გუნ­დის მი­ერ სხვა­დას­ხვა გა­რან­ტი­ის სა­ნაც­ვლოდ. რო­გორ და­იწყ­ებს მე­რა­ბიშ­ვი­ლის გუნ­დი მის დაც­ვას და მხარ­და­ჭე­რას, სწო­რედ აქ გა­მოჩ­ნდე­ბა იყო თუ არა რა­ღაც შე­თან­ხმე­ბა, თუმ­ცა, ყვე­ლაფ­რის მი­უ­ხე­და­ვად, "ნა­ცი­ო­ნა­ლუ­რი მოძ­რა­ო­ბის" ერ­თი ჯგუ­ფი მა­ინც შე­ეც­დე­ბა მი­სი მხარ­და­ჭე­რის გაგ­რძე­ლე­ბას. არის მე­ო­რე ნა­წი­ლი, რო­მე­ლიც ფიქრობს, რომ მე­რა­ბიშ­ვი­ლის და­კა­ვე­ბა კარ­გი­ცა­ა, რად­გან ის ხელს უშ­ლი­და ამ ჯგუფს პო­ლი­ტი­კურ საქ­მი­ა­ნო­ბა­ში. თუ მა­ნამ­დე "ნაც­მოძ­რა­ო­ბის" გარ­კვე­უ­ლი ნა­წი­ლი ემიჯ­ნე­ბო­და ახა­ლა­ი­ებ­სა და ადე­იშ­ვილს, ასე­ვე არის "ნაც­მოძ­რა­ო­ბა­ში" გარ­კვე­უ­ლი ჯგუ­ფი, რო­მე­ლიც ასე­ვე გა­ე­მიჯ­ნე­ბა მე­რა­ბიშ­ვილს. ე.წ. ლი­ბე­რა­ლურ ფრთას ვგუ­ლის­ხმობ.

- თქვე­ნი აზ­რით, პრე­ზი­დენ­ტი ამ პო­ზი­ცი­ას გა­ი­ზი­ა­რებს?

- მე ვერ შევ­ნიშ­ნე, რომ ვა­ნო მე­რა­ბიშ­ვი­ლის და­კა­ვე­ბის გა­მო მი­ხე­ილ სა­ა­კაშ­ვი­ლი დი­დად წუხ­და. მას პრეს­კონ­ფე­რენ­ცი­ი­სას მწუ­ხა­რე სა­ხე ნამ­დვი­ლად არ ჰქონ­და. არ გა­მოვ­რიცხ­ავ, მი­სი და­კა­ვე­ბა მი­ხე­ილ სა­ა­კაშ­ვი­ლის ინ­ტე­რე­სებ­შიც ჯდე­ბო­დეს, რად­გან მის­თვის ძნე­ლი იქ­ნე­ბა ვა­ნოს­თან ერ­თად "ნაც­მოძ­რა­ო­ბის" ხელ­მძღვა­ნე­ლო­ბის გა­ყო­ფა მას მე­რე, რაც ის აღარ იქ­ნე­ბა ქვეყ­ნის პრე­ზი­დენ­ტი. ჩვენ ხომ ვნა­ხეთ ვა­ნო მე­რა­ბიშ­ვი­ლის დე­მონ­სტრა­ცი­უ­ლი გას­ვლა ტრი­ბუ­ნი­დან 19 აპ­რილს, რო­ცა იქ მი­ხე­ილ სა­ა­კაშ­ვი­ლი ავი­და. სხვა­თა შო­რის, ახა­ლა­ი­ას მი­მართ "ნაც­მოძ­რა­ო­ბას" დი­დი მხარ­და­ჭე­რა არ გა­მო­უ­ხა­ტავს, პარ­ტი­უ­ლი კო­ორ­დი­ნა­ტო­რე­ბის ფი­ნან­სურ პო­ლი­ცია­ში და­ბა­რე­ბას "ნაც­მოძ­რა­ო­ბამ" რამ­დე­ნი­მე ბრი­ფინ­გი მი­უძღ­ვნა, ახა­ლა­ი­ა­ზე კი მა­ინ­ცდა­მი­ანც თა­ვი არ მო­უკ­ლავთ. აშ­კა­რად ჩან­და, რომ ახა­ლა­ი­ებ­სა და ადე­იშ­ვილს ემიჯ­ნე­ბო­და სა­აკ­აშვი­ლიც. არ გა­მოვ­რიცხ­ავ, ცო­ტა ხან­ში სა­ა­კაშ­ვი­ლის­გან მო­ვის­მი­ნოთ ირი­ბი გან­ცხა­დე­ბა იმის შე­სა­ხებ, თუ რო­გორ არის შეშ­ფო­თე­ბუ­ლი იმის გა­გე­ბით, რა­საც თურ­მე ვა­ნო მე­რა­ბიშ­ვი­ლი აკე­თებ­და. ის პო­ლი­ტი­კო­სი­ა, ახ­ლა მხო­ლოდ სა­კუ­თარ თავ­ზე ფიქ­რობს და სუ­ლაც არ არის გა­მო­რიცხ­უ­ლი, ამ ე.წ. სა­მარ­თლი­ა­ნო­ბის ტვირ­თის აკი­დე­ბას ახა­ლაი­ა­სა და მე­რა­ბიშ­ვი­ლის­თვის ცდი­ლობ­დეს.

ნათია დოლიძე

ყოველკვირეული გაზეთი "ყველა სიახლე"

(გამოდის ოთხშაბათობით)