ირაკლი ღარიბაშვილი - მიმდინარეობს დადგენა თუ რომელი ქვეყნიდან, რომელი IP მისამართიდან მოხდა გუშინ ვიდეოს ატვირთვა
შინაგან საქმეთა მინისტრი, ირაკლი ღარიბაშვილი, ინტერნეტში თალიბების სახელით ქართველი სამხედროების მიმართ მუქარის შემცველი ვიდეომასალის გავრცელებას ეხმაურება.
როგორც ირაკლი ღარიბაშვილის განცხადებაშია აღნიშნული, შინაგან საქმეთა სამინისტრო ამჟამად აქტიურად მუშაობს, რათა დაადგინოს საიდან მოხდა აღნიშნული ვიდეოს ატვირთვა.
"მიმდინარეობს დადგენა, თუ რომელი ქვეყნიდან, რომელი IP მისამართიდან მოხდა ამ ვიდეოს ატვირთვა. ჩვენ აქტიურად გვეხმარებიან უცხოელი პარნტიორები. ამ ეტაზე სხვა დამატებით ინფორმაციას ვერ მოგაწვდით", - აცხადებს ღარიბაშვილი.
მინისტრი აცხადებს, რომ პანიკის არავითარი საფუძველი არ არსებობს და მოსახლეობას სიმშვიდისკენ მოუწოდებს.
ირაკლი ღარიბაშვილი აცხადებს, რომ ქვეყანაში უსაფრთხოების ზომები უმაღლეს დონეზეა დაცული.
როგორც ცნობილია, Youtube-ზე ვიდეო სახელწოდებით - "ჯიჰადი ავღანეთში საქართველოს ჯარების წინააღმდეგ" გუშინ გავრცელდა.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
