გორში 47 წლის მამაკაცი დაჭრეს

წუხელ, გვიან ღამით, გორის ცენტრში მდებარე რესტორან "ძმობის დუქანში" მომხდარი სროლისას ერთი ადამიანი დაჭრეს. გორში მცხოვრები 47 წლის შალვა არუნაშვილი ცეცხლნასროლი დაზიანებებით გორის სამხედრო ჰოსპიტალში გადაიყვანეს. დაზარალებულს ტყვია გულმკერდის არეში აქვს მოხვედრილი. სასწრაფო ოპერაცია რამდენიმე საათს გრძელდებოდა.

როგორც ირკვევა, ცეცხლის გახსნა რესტორანში მყოფ პირებს შორის ურთიერთშელაპარაკებას მოჰყვა. გამოძიება მომხდართან დაკავშირებით მკვლელობის მცდელობის კვალიფიკაციით მიმდინარეობს. დანაშაულში ეჭვიმიტანილთან დაკავშირებით სამართალდამცველები ოფიციალურ კომენტარებს არ აკეთებენ, თუმცა, პირად საუბრებში ამბობენ, რომ დანაშაულში ეჭვმიტანილი ასევე გორის მკვიდრი, 45 წლის კობა ქობლიანიძეა.

"ინტერპრესნიუსი"