მგზავრს სხეულზე დამალული ოქრო აღმოუჩინეს

მგზავრს სხეულზე დამალული ოქრო აღმოუჩინეს. შემოსავლების სამსახურის ინფორმაციით, თბილისის აეროპორტში, სტამბოლი-თბილისის რეისით აზერბაიჯანის მოქალაქე ზ.ა. ჩამოფრინდა.

საბაჟო გამშვებ პუნქტში "თბილისის აეროპორტი" ფიზიკური დათვალიერების შედეგად, მგზავრს წელზე შემორტყმული სამედიცინო დანიშნულების ქამრის ქვეშ დამალული, დაახლოებით, 0,7 კგ წონის ოქროს ნაკეთობები აღმოაჩნდა.

სატარიფო ღირებულების დადგენის მიზნით, საქონელს ჩაუტარდა ექსპერტიზა და დაილუქა.

"ინტერპრესნიუსი"