ვახტანგ ბალავაძე არჩევნების შედეგების გაყალბების ფაქტთან დაკავშირებით დაიკითხება

პროკურატურა იმერეთში პრეზიდენტის რწმუნებულის, ვახტანგ ბალავაძის დაკითხვაზე დაბარებასთან დაკავშირებით განცხადებას ავრცელებს.

როგორც განცხადებაშია აღნიშნული, შიდა ქართლისა და მცხეთა-მთიანეთის საოლქო პროკურატურაში, იმერეთის გუბერნატორი ვახტანგ ბალავაძე და ხაშურის რესურსცენტის ყოფილი თანამშრომელი გიორგი შუბითიძე დღეს, 15.00 საათზე საპარლამენტო არჩევნების შედეგების გაყალბების ფაქტთან დაკავშირებით, მოწმის სტატუსით დაიბარეს.

საქმე ეხება 2012 წლის 1 ოქტომბერს ხაშურის რაიონში საპარლამენტო არჩევნების შედეგების გაყალბების ფაქტს, რომელზეც გამოძიება შიდა ქართლისა და მცხეთა-მთიანეთის საოლქო პროკურატურის საგამოძიებო ნაწილში მიმდინარეობს.

"ინტერპრესნიუსი"