არჩილ კბილაშვილი - "ლევან კორტავა ნაცემია, რამაც სავარაუდოდ სიკვდილი გამოიწვია"

გეგუთის კოლონიაში მომხდარი ინციდენტის შედეგად გარდაცვლილი პატიმარი, ლევან კორტავა ნაცემია, რამაც, სავარაუდოდ, სიკვდილი გამოიწვია , - ამის შესახებ მთავარმა პროკურორმა, არჩილ კბილაშვილმა ჟურნალისტებს პროკურატურაში განუცხადა.

მისი თქმით, მიმდინარეობს გამოძიება, რათა გაირკვეს, როგორი იყო ადმინისტრაციის კავშირი მომხდარ ინციდენტთან დაკავშირებით.

"კორტავას საქმე ძალიან დიდი ყურადღების საგანია. დასავლეთის პროკურატურა ამას იძიებს ინტენსიურად. ერთი რამ შეიძლება დადგენილად იქნას მიჩნეული, რამაც შემდგომ სავარაუდოდ ეს შედეგი გამოიწვია. ამ ცემაში მონაწილეობდა პატიმარი თუ პატიმრები, ეს დაზუსტების საგანია, დანარჩენ დეტალებს თუ როგორი იყო ადმინისტრაციის კავშირი, ამას გამოძიება დაადგენს", - განაცხადა არჩილ კბილაშვილმა.

"ინტერპრესნიუსი"