მიხეილ სააკაშვილი - "არ მიმაჩნია, რომ ჩვენ დროს განათლების სისტემის მართვა იდეალური იყო"

მიხეილ სააკაშვილი - "არ მიმაჩნია, რომ ჩვენ დროს განათლების სისტემის მართვა იდეალური იყო"

არ მიმაჩნია, რომ ჩვენ დროს განათლების სისტემის მართვა იყო იდეალური და არ ხდებოდა ჩარევა განათლების სამინისტროს მიერ, - ამის შესახებ პრეზიდენტმა მიხეილ სააკაშვილმა დღეს, თსუ-ის პროფესორ-მასწავლებლებთან შეხვედრაზე განაცხადა.

მისი თქმით, პარლამენტში განიხილავენ ახალ კანონპროექტს, რითაც უმაღლესი განათლების სისტემა სერიოზულად იცვლება.

"არ მიმაჩნია, რომ ჩვენ დროს განათლების სისტემის მართვა იყო იდეალური და არ ხდებოდა ჩარევა განათლების სამინისტროს მიერ, მაგრამ ახალ კანონში ეს ყველაფერი ჩაწერეს. ეს არ იყო ასე, მაგრამ ახლა რა ვქნათ?!. ეს ასე ხდებოდა და მოდი კანონში ჩავწეროთ, რომ ასე მოხდეს მომავალშიც?!. რეალურად კანონი წავიდა უკან", - აღნიშნა პრეზიდენტმა.

სააკაშვილის თქმით, ადრე თსუ-ის რექტორს ნიშნავდა პრეზიდენტი და სიმბოლურია, რომ რექტორის დანიშვნა ხდება პრემიერის მიერ. "ჩვენ ძალიან ვამაყობთ, რომ თსუ მართლაც არის ყველაზე ტრადიციული ქართული დაწესებულება, ერთ-ერთი ყველაზე სწრაფად მოდერნიზებადი და განვითარებადი. როცა აქ გამოვდივარ, პარლამენტში მიდის ახალი კანონპროექტის განხილვა, რითაც სერიოზულად იცვლება უმაღლესი განათლების სისტემა. ამ კანონთან დაკავშირებით, ამ დროს შეიძლება ბევრი რამ მოხდეს, სახელმწიფოს დასაზარალებლად, ვფიქრობდი, რომ უფრო მეტი სარგებლის მომტანი იქნებოდა", - განაცხადა პრეზიდენტმა.

მისივე თქმით, რექტორისთვის არ არის აუცილებელი სამეცნიერო ხარისხი. "მე ვსწავლობდი კოლუმბიის უნივერსიტეტში და იქ დოქტურანტურა გავიარე. იქ ყველაზე წარმატებული იყო გენერალი ეიზენჰაუერი, რომელიც არ ყოფილა მეცნიერებათა დოქტორი, მაგრამ მის დროს კოლუმბიის უნივერსიტეტმა მიაღწია წარმოუდგენელ წარმატებებს. ეიზენჰაუერი არ იყო მეცნიერებათა დოქტორი, მაგრამ ყველაზე წარმატებული იყო", - აღნიშნა სააკაშვილმა.

"ინტერპრესნიუსი"

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია