ვანო მერაბიშვილს ტელევიზორს დღეს ან ხვალ შეუტანენ

ე.წ. მატროსოვის ციხეში მყოფ ყოფილ პრემიერ-მინისტრთან, ვანო მერაბიშვილთან ტელევიზორს დღეს ან ხვალ შეიტანენ, - ამის შესახებ სასჯელაღსრულების მინისტრმა, სოზარ სუბარმა ჟურნალისტებს განუცხადა. მისი თქმით, ადმინისტრაციისთვის უკვე ნათქვამი აქვს და ვანო მერაბიშვილს ტელევიზორით სარგებლობის საშუალება დღეს ან ხვალ ექნება.

"მერაბიშვილი სხვა პატიმრებთან თანასწორ მდგომარეობაში იმყოფება. მას აქვს მასობრივი კომუნიკაციების საშუალებებთან წვდომა და ინფორმაციის მიღების საშუალება. რაც შეეხება ტელევიზორს, უკვე ნათქვამი მაქვს და დღეს ან ხვალ ექნება ტელევიზორის საშუალება", - განაცხადა სოზარ სუბარმა.

"ინტერპრესნიუსი"