რუსებისთვის საქართველო ნომერ პირველი მტერი აღარ არის

რუსები მეგობრებისა და მტრების საკითხში ჩამოყალიბდნენ. ახალი კვლევის მიხედვით, რომელიც მთელი ქვეყნის მასშტაბით ჩატარდა, რუსები მთავარ მოწინააღმდეგედ და მტრად აშშ-ს, ხოლო ყველაზე მეგობრულ ქვეყნად ბელორუსს მიიჩნევენ. საქართველო მტრების ნუსხაში მეორე ადგილზეა. 

კვლევა "ლევადა-ცენტრმა" ჩაატარა. ბელორუსი მეგობარ ქვეყნად გამოკითხულთა 46%-მა დაასახელა. მეორე ადგილას რუსეთის მეგობარი ქვეყნების სიაში ყაზახეთი აღმოჩნდა, ხოლო მესამე ადგილი 20%-ით ჩინეთმა დაიკავა. სიაში მოხვდა უკრაინა (16%) და გერმანია (14%).

რუსები ქვეყნის მთავარ მოწინააღმდეგედ აშშ-ს თვლიან. აქამდე მტრების სიაში პირველ ადგილზე საქართველო იყო. შარშან საქართველოს რუსეთის მთავარ მოწინააღმდეგედ რესპონდენტთა 41%-ი მიიჩნევდა. ახლა საქართველო ამ სიაში 33%-ით მეორე ადგილს იკავებს.

ქვეყნებს შორის, რომლებიც რუსების აზრით, რუსეთის ფედერაციისადმი მტრულად არიან განწყობილნი, მოხვდნენ ლატვია (21%), ლიტვა (17%) და ესტონეთი (16%).

გამოკითხვა "ლევადა ცენტრმა" 23-27 მაისს ჩაატარა.

მომზადებულია newsru.co-ს მიხედვით.