ირაკლი ღარიბაშვილი - "როდესაც სისტემურ პრობლემებზეა საუბარი, კვალი გადის თუნდაც ჩემს წინამორბედზე"

ირაკლი ღარიბაშვილი - "როდესაც სისტემურ პრობლემებზეა საუბარი, კვალი გადის თუნდაც ჩემს წინამორბედზე"

როდესაც სისტემურ პრობლემებზეა საუბარი, კვალი გადის თუნდაც ჩემს წინამორბედზე, - ამის შესახებ საქართველოს შინაგან საქმეთა მინისტრმა ირაკლი ღარიბაშვილმა ტელეკომპანია "რუსთავი 2"-ის ეთერში განაცხადა. მისი თქმით, სამალავებში აღმოჩენილ ვიდეოფირებზე გამოძიების დაწყების მიზანი ემსახურება იმას, რომ დადგინდეს და გაირკვეს რეალურად რასთან გვაქვს საქმე.

როგორც შს მინისტრმა აღნიშნა, ეს არ იყო ლოკალური ხასიათის დანაშაული, ერთ კონკრეტულ რეგიონში ჩადენილი, არამედ ეს იყო სისტემური დანაშაული, ეს იყო ის კარგად შემუშავებული მეთოდები, რომლითაც ყოფილი ხელისუფლებისა და შინაგან საქმეთა სამინისტროს წარმომადგენლები ხელმძღვანელობდნენ.

"ზოგადად, როდესაც საუბარი სისტემურ პრობლემებზე მიმდინარეობს, რა თქმა უნდა, იკვეთება სერიოზული ეჭვები და კვალი გადის თუნდაც ჩემს წინამორბედზე. სწორედ ვანო მერაბიშვილი იყო მინისტრი 2011 წელს და სწორედ ის ხელმძღვანელობდა ჩვენს უწყებას. შესაბამისად, გამოძიებას რომ გაუჩნდეს ეს კითხვები, მგონი ლოგიკურია", - აღნიშნა ღარიბაშვილმა.

იხილეთ ვიდეო

"ინტერპრესნიუსი"

LIVE: გია ხუხაშვილი "ნიუსრუმიდან"

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა