ლევან ბერძენიშვილი - "როდესაც სისტემაში რაღაც ხდება, პირველი დამნაშავე მინისტრია"

ლევან ბერძენიშვილი - "როდესაც სისტემაში რაღაც ხდება, პირველი დამნაშავე მინისტრია"

ვიცნობ რა მიხეილ სააკაშვილის ბუნებას, მან რამე არ იცოდა, რაც ხდებოდა რომელიმე მის სისტემაში, ამის არ მჯერა, - ამის შესახებ საპარლამენტო უმრავლესობის წევრმა, ლევან ბერძენიშვილმა "ინტერპრესნიუსთან" საუბარში განაცხადა. ამით ბერძენიშვილი სამეგრელოში აღმოჩენილ ფარულ ჩანაწერებზე აღბეჭდილ წამებისა და არაადამიანური მოპყრობის ფაქტებზე პახისმგებლობის დაკისრებას გამოეხმაურა.

"მე თუ მკითხვათ ვისი დანაშაულია, რა თქმა უნდა, როდესაც სისტემაში რაღაც ხდება, პირველი დამნაშავე მინისტრია",-განაცხადა ბერძენიშვილმა და განმარტა, რომ ამ შემთხვევაში ის ვანო მერაბიშვილს გულისხმობს, რომელიც შს მინისტრი იყო.

"თუ მან იცოდა და მისი ბრძანებით კეთდებოდა ეს, დამნაშავეა. თუ არ იცოდა და მის ზურგს უკან კეთდებოდა, მაშინ ორგზის დამნაშავეა. მაგრამ, რაც მე გითხარით, ამ ყველაფერს დამტკიცება, სასამართლო და გამოძიება სჭირდება. ჩვენ შეიძლება ბევრი რამ ვთქვათ, მაგრამ დადასტურება სჭირდება ყველა სიტყვას და ყველა ბრალდებას. იმედი მაქვს, ეს დადასტურდება კიდეც",-განაცხადა ბერძენიშვილმა.

რაც შეეხება იმას, უნდა ეჩვენებინა თუ არა შინაგან საქმეთა სამინისტროს სკანდალური ვიდეომასალა მედიის წარმომადგენლებისთვის, ლევან ბერძენიშვილი ფიქრობს, რომ მედიას თუ აქვს ინტერესი, შეუძლია ასეთ რამეს უყურს.

"მათ მისცეს ამის ნახვის საშუალება. თუ ვინმე მიიჩნევს, რომ არ უნდა უყუროს - არ უნდა უყუროს, თუ ვინმე მიიჩნევს, რომ უნდა ნახოს - უნდა ნახოს. თუ ვინმეს სჭირდება იმის გარკვევა, ვინ ჩადიოდა საქართველოში დანაშაულს, თუ ვინმეს ჰგონია, რომ გაყალბებულია - უნდა ნახოს. ხოლო თუ ვინმემ ისედაც იცოდა რა ხდებოდა ქვეყანაში და ამდენ ხანს ხმას არ იღებდა, იმან არ უნდა ნახოს, მაგრამ ხმაც არ უნდა ამოიღოს ალბათ. შსს-მ მოიწვია მედია და უთხრა - გინდა შეხედეთ, გინდა არაო. რაც შეეხება იმას, რომ მსხვერპლი დაცული უნდა იყოს, ვინ დავობს ამაზე?! ხომ არ არის საუბარი, რომ უნდა გასაჯაროვდეს ეს მასალა?!",-განაცხადა ბერძენიშვილმა.

დეპუტატი მიიჩნევს, რომ ყველა მასალა, რომელიც ადამიანის ღირსებას ბღალავს, უნდა განადგურდეს, თუმცა ეს მანამდე არ უნდა მოხდეს, სანამ ვინმე მის ავთენტურობაზე დავობს. "უნდა დამტკიცდეს, რომ ნამდვილია, უნდა ვიპოვოთ მისი წარმომავლობა, უნდა ვიპოვოთ დამნაშავეები და მერე განადგურდეს. ამის შენახვა არავითარ შემთხვევაში არ შეიძლება", - დასძინა ლევან ბერძენიშვილმა.

"ინტერპრესნიუსი"

LIVE: გია ხუხაშვილი "ნიუსრუმიდან"

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა