გურამ დონაძეს სასამართლოსთან შეურაცხყოფა მიაყენეს

საქალაქო სასამართლოსთან მცირე ინციდენტი მოხდა. შსს-ს პრესსამსახურის ყოფილ უფროსს გურამ დონაძეს სასამართლოდან გამოსულმა მოქალაქემ სიტყვიერი შეურაცხყოფა მიაყენა, შემდეგ კი სიგარეტის კოლოფის ნაწილი ესროლა, რის საპასუხოდაც, დონაძემ უწმაწური სიტყვებით უპასუხა.

ინციდენტი მალევე ამოიწურა, რადგან მოქალაქე თანმხლებმა პირებმა სასამართლოს ეზოდან მალევე გაიყვანეს.

დღეს საქალაქო სასამართლოში რობაქიძის საქმის წინასასამართლო სხდომა იმართება და სწორედ ამიტომ იმყოფება გურამ დონაძე სასამართლოში.

იხილეთ ვიდეო: გურამ დონაძემ და მოქალაქემ სასამართლოსთან ერთმანეთს აგინეს

"ინტერპრესნიუსი"