თბილისის ზოოპარკში ლომმა სამი ბოკვერი გააჩინა

თბილისის ზოოპარკში მობინადრე ლომებს სამი ბოკვერი შეეძინათ. ამის შესახებ ზოოპარკის "ფეისბუქის" ოფიციალური გვერდი იტყობინება. ბოკვერების სქესი ამ დროისთვის უცნობია.

"ძალიან სასიხარულო სიახლეა ჩვენს ზოოპარკში!!!

დღეს ზოოპარკის ბინადარ ლომებს - ნალას და სიმბას სამი ძალიან საყვარელი ბოკვერი შეეძინათ, სქესი ჯერჯერობით უცნობია, დედაც და პატარებიც კარგად გრძნობენ თავს და ვიმედოვნებთ, რომ მომავალშიც ასე იქნება, ფოტოების გადაღებისგან თავი შევიკავეთ, რადგან არ არის მიზანშეწონილი მათი შეწუხება", - ნათქვამია თბილისის ზოოპარკის "ფეისბუქის" მიერ გავრცელებულ განცხადებაში.