სერგო რატიანის ინფორმაციით, გიორგი ვაშაძის სახლი დაყადაღებულია

საპარლამენტო უმცირესობის ერთ-ერთი ლიდერის, გიორგი ვაშაძის სახლი დაყადაღებულია. როგორც საპარლამენტოს უმცირესობის წევრმა სერგო რატიანმა განაცხადა, დეპუტატის სახლის დაყადაღების გადაწყვეტილება სასამართლომ ჯოზეფ ქეის მოთხოვნის შემდეგ მიიღო.

"რუსთავი 2"-ის ინფორმაციით, ჯოზეფ ქეი აცხადებს, რომ მას შეურაცხყოფა მიაყენეს, როდესაც გიორგი ვაშაძემ მას საერთაშორისო თაღლითი უწოდა. სასამართლომ გადაწყვეტილება სწორედ ამ განცხადების საფუძველზე მიიღო.

სერგო რატიანის შეფასებით, ოპოზიციის მიმართ დევნა მიმდინარეობს. "ეს არის სრული აბსურდის თეატრი. ოპოზიციის დევნა უკვე გადადის ყოველგვარ ზღვარს. ეს არის შემაშფოთებელი. ის, რასაც აკეთებს საქართველოს ხელისუფლება, პროკურატურა და შემდეგ ამაში ერთვება სასამართლო, ყოველგვარ ზღვარს არის გადასული", - აცხადებს რატიანი.

"ინტერპრესნიუსი"