თბილისს სასწრაფო დახმარების ბრიგადები არ ჰყოფნის

თბი­ლი­სის სას­წრა­ფო დახ­მა­რე­ბის სამ­სა­ხუ­რის მი­მართ ბო­ლო პე­რი­ოდ­ში არა­ერ­თი პრე­ტენ­ზია გა­მო­ით­ქვა, რო­მელ­თა­გან უმ­რავ­ლე­სო­ბა ბრი­გა­დე­ბის გა­მო­ძა­ხე­ბის ად­გილ­ზე დაგ­ვი­ა­ნე­ბას ეხე­ბა. მა­გა­ლი­თად, დი­ღომ­ში, იო­ა­ნე პეტ­რი­წის ქუ­ჩა­ზე მომ­ხდა­რი მკვლე­ლო­ბის თვით­მხილ­ვე­ლებ­მა გა­ნაცხ­ა­დეს, რომ სას­წრა­ფომ და­აგ­ვი­ა­ნა და ბარ­ძაყ­ში დაჭ­რი­ლი ელ­ხან ემი­ნო­ვი ექი­მე­ბის მის­ვლამ­დე გარ­და­იც­ვა­ლა. მსგავ­სი ინ­ფორ­მა­ცია გავ­რცელ­და იო­სე­ბი­ძის ქუ­ჩა­ზე 22 წლის ახალ­გაზ­რდის მკვლე­ლო­ბას­თან და­კავ­ში­რე­ბით - მე­ზობ­ლე­ბის ცნო­ბით, ბრი­გა­დე­ბი შემ­თხვე­ვის ად­გილ­ზე დრო­უ­ლად ვერ მი­ვიდ­ნენ. ამ და სხვა სა­კითხ­ებ­ზე სას­წრა­ფო სა­მე­დი­ცი­ნო დახ­მა­რე­ბის ცენ­ტრის ახალი დი­რექ­ტო­რი შალ­ვა ბრა­ჭუ­ლი გვე­სა­უბ­რე­ბა.

- გავ­რცელ­და არას­წო­რი ინ­ფორ­მა­ცი­ა, პეტ­რი­წის ქუ­ჩა­ზე სას­წრა­ფოს არ და­უგ­ვი­ა­ნი­ა. აგერ კომ­პი­უ­ტე­რუ­ლი პროგ­რა­მა. 112-დან მი­სა­მარ­თის გა­და­ცე­მის შემ­დეგ სას­წრა­ფო სა­მე­დი­ცი­ნო დახ­მა­რე­ბის ჯგუ­ფი 8 წუთ­ში ად­გილ­ზეა მი­სუ­ლი. ჩვენ­მა ჯგუფ­მა იმ­დე­ნი დრო და­კარ­გა, რამ­დე­ნიც ტრან­სპორ­ტი­რე­ბას სჭირ­დე­ბო­და. ემი­ნოვს ბარ­ძა­ყის არ­ტე­რია ჰქონ­და გა­დაჭ­რი­ლი. ეს ისე­თი რა­მ არი­ს, სას­წრა­ფო 3 წუთ­შიც რომ მი­სუ­ლი­ყო, გა­დარ­ჩე­ნის შან­სი ნაკ­ლე­ბად ჰქონ­და. რაც შე­ე­ხე­ბა იო­სე­ბი­ძე­ზე მომ­ხდარ მკვლე­ლო­ბას - მა­გა­ზე ვე­რა­ფერს გეტყ­ვით, ამ გა­მო­ძა­ხე­ბის დრო არ გა­და­მი­მოწ­მე­ბი­ა, მაგ­რამ იმის თქმა კი შე­მიძ­ლი­ა, რომ ასე­თი გა­მო­ძა­ხე­ბი­სას სას­წრა­ფო არ იგ­ვი­ა­ნებს. ჩვენ სა­დის­პეტ­ჩე­რო არ გვაქვს, ზა­რი 112-ის ოპე­რა­ტორ­თან შე­დის და ოპე­რა­ტო­რი გან­საზღ­ვრავს, რამ­დე­ნად პრი­ო­რი­ტე­ტუ­ლია ესა თუ ის გა­მო­ძა­ხე­ბა და ამის მი­ხედ­ვით გა­დას­ცემს სას­წრა­ფოს. მე არ ვი­ცი, ოპე­რა­ტო­რე­ბი რო­დის გა­დას­ცე­მენ ინ­ფორ­მა­ცი­ას, მაგ­რამ, რო­გორც კი 112-დან სას­წრა­ფო­ში შე­მო­დის მი­სა­მარ­თი, ჩვე­ნი ბრი­გა­დე­ბი ად­გილ­ზე დრო­უ­ლად მი­დი­ან, თუკი გზა­ში რა­ი­მე სხვა ობი­ექ­ტუ­რი მი­ზე­ზით არ მოხ­და შე­ფერ­ხე­ბა.

- პი­რა­დად ვარ მოწ­მე, რო­ცა სას­წრა­ფომ ერ­თ-ერ­თი გა­მო­ძა­ხე­ბი­სას თით­ქმის ერ­თი სა­ა­თით და­აგ­ვი­ა­ნა...

- გა­აჩ­ნი­ა, რა გა­მო­ძა­ხე­ბა იყო. სის­ტე­მა ისეა მოწყ­ო­ბი­ლი, რომ გა­მო­ძა­ხე­ბე­ბი პრი­ო­რი­ტე­ტე­ბის მი­ხედ­ვით ლაგ­დე­ბა. რო­ცა ზა­რი შე­მო­დის ჰი­პერ­ტენ­ზი­ა­ზე, ანუ მა­ღალ წნე­ვა­ზე, ოპე­რა­ტო­რი თა­ვი­სუ­ფალ ბრი­გა­დას პირ­ველ რიგ­ში დაჭ­რილ ან სხვა უფ­რო მძი­მე მდგო­მა­რე­ო­ბა­ში მყოფ პა­ცი­ენ­ტთან გზავ­ნის და შემ­დეგ მა­ღალ­წნე­ვი­ან­თან.

- ოპე­რა­ტო­რის­თვის ძნე­ლია ზუს­ტად შე­ა­ფა­სოს რის­კე­ბი და გან­საზღ­ვროს, იმ ადა­მი­ა­ნის სი­ცოცხ­ლის­თვის რამ­დე­ნად სა­რის­კოა თუნ­დაც ის მა­ღა­ლი წნე­ვა, ხომ შე­იძ­ლე­ბა, სას­წრა­ფოს დაგ­ვი­ა­ნე­ბის შემ­თხვე­ვა­ში პა­ცი­ენტს წნე­ვამ და­არ­ტყას? ფაქ­ტი­ა, რომ ბრი­გა­დე­ბი საკ­მა­რი­სი არ არის.

- თუ მო­ქა­ლა­ქე­ებ­მა ასე­თი ტემ­პით გა­მო­ი­ძა­ხეს სას­წრა­ფო, ბრი­გა­დე­ბი მუ­დამ არა­საკ­მა­რი­სი იქ­ნე­ბა. ზოგ­ჯერ ნა­თუ­რის გა­დაწ­ვის გა­მოც კი იძა­ხე­ბენ, ან იმი­ტომ, რომ მთე­ლი კვი­რა სიცხ­ე­ე­ბი ჰქონ­დათ და პირ­ვე­ლა­დი სა­მე­დი­ცი­ნო დახ­მა­რე­ბის ცენ­ტრში ჩას­ვლა ეზა­რე­ბათ. ზა­რე­ბის რა­ო­დე­ნო­ბა ძა­ლი­ან დი­დი­ა. შე­ხე­დეთ, პროგ­რა­მუ­ლად გაჩ­ვე­ნებთ, ამ წუთ­ში 80 ბრი­გა­დი­დან 7 ბრი­გა­დაა თა­ვი­სუ­ფა­ლი.

- რო­გორც ვი­ცი, ყვე­ლა­ზე მე­ტი გა­მო­ძა­ხე­ბა სა­ღა­მოს სა­ა­თებ­ში­ა. თუ­კი პა­სი­ურ პე­რი­ოდ­ში მხო­ლოდ 7 ბრი­გა­დაა თა­ვი­სუ­ფა­ლი, აქ­ტი­უ­რი გა­მო­ძა­ხე­ბე­ბი­სას სულ მნიშ­ვნე­ლო­ვა­ნი ზა­რე­ბი რომ შე­მო­ვი­დეს, ფაქ­ტი­ა, სას­წრა­ფო ყველ­გან დრო­უ­ლად ვერ მი­ვა.

- მე­რია გვპირ­დე­ბა, რომ ზამ­თრის სე­ზონ­ზე 10-20 ბრი­გა­დამ­დე დაგ­ვი­მა­ტებს.

- აქამ­დე რა­ტომ ვერ მო­ხერ­ხდა მა­თი რა­ო­დე­ნო­ბის გაზ­რდა, ამის სა­ჭი­რო­ე­ბა ხომ ყო­ველ­თვის იყო?

- ად­რე გა­მო­ძა­ხე­ბებს პირ­და­პირ სას­წრა­ფო იღებ­და და ზა­რების მეტ­-ნაკ­ლე­ბად გა­ფილ­ტვრა ხდე­ბო­და. ზოგ­ჯერ სა­ტე­ლე­ფო­ნო კონ­სულ­ტა­ცი­აც საკ­მა­რი­სი იყო და ჩვენს ჯგუფს ად­გილ­ზე მის­ვლა აღარ უწევ­და. ახ­ლა ზა­რებს 112 იღებს და ოპე­რა­ტო­რი პა­ცი­ენტს სიღ­რმე­ებ­ში არ მიჰ­ყვე­ბა, არ ეკითხ­ე­ბა დე­ტა­ლებს, ამი­ტომ ყვე­ლა გა­მო­ძა­ხე­ბას იღებს.

- ანუ თქვენ ამ­ბობთ, რომ სას­წრა­ფო სა­მე­დი­ცი­ნო დახ­მა­რე­ბის ჯგუ­ფე­ბის და­მა­ტე­ბა მას შემ­დეგ გახ­და სა­ჭი­რო, რაც 112-ის სამ­სა­ხუ­რი შე­იქ­მნა?­ რო­გორ ფიქ­რობთ, ქა­ლაქ­ში, სა­დაც მი­ლი­ონ­-ნა­ხე­ვა­რი ადა­მი­ა­ნი ცხოვ­რობს, 80 ჯგუ­ფი საკ­მა­რი­სი­­ა?

- და­მი­ჯე­რეთ, ამ ქა­ლაქს 80 ბრი­გა­და კი არა, 180 არ ეყო­ფა. რის­კე­ბის პრე­ვენ­ცი­ას ვე­რას­დროს შევძლებთ. სა­ნამ პირ­ვე­ლა­დი ჯან­დაც­ვის პრობ­ლე­მე­ბი არ მოგ­ვარ­დე­ბა და მო­ქა­ლა­ქე­ე­ბი პრო­ფი­ლაქ­ტი­კურ მკუ­რნა­ლო­ბას არ და­იწყ­ე­ბენ, სა­ნამ არ ის­წავ­ლი­ან, რომ უმ­ნიშ­ვნე­ლო რა­მე­ზე საწ­რა­ფო არ უნ­და გა­მო­ი­ძა­ხონ და ჩვე­ნი ჯგუ­ფი არ უნ­და და­ა­კა­ვონ, რო­ცა ამით შე­იძ­ლე­ბა სხვა და­ზა­რალ­დეს, მა­ნამ­დე რო­გორც არ უნ­და გავ­ზარ­დოთ რა­ო­დე­ნო­ბა, მა­ინც არა­საკ­მა­რი­სი იქ­ნე­ბა. ერ­თხელ რვა გა­მო­ძა­ხე­ბა­ზე გა­ვე­დით და არ­სობ­რი­ვად არც ერ­თი არ იყო სას­წრა­ფო. მა­გა­ლი­თად, თუ და­იწყ­ე­ბა ჰი­პერ­ტენ­ზი­ის პროგ­რა­მუ­ლი მკურ­ნა­ლო­ბა, მო­ქა­ლა­ქე­ე­ბი მა­ღა­ლი წნე­ვის გა­კონ­ტრო­ლე­ბას შეძ­ლე­ბენ და ამის გა­მო სას­წრა­ფოს გა­მო­ძა­ხე­ბა აღარ მო­უ­წევთ.

- რო­გორც ცნო­ბი­ლი­ა, გა­მო­ძა­ხე­ბა­ზე მი­მა­ვა­ლი სას­წრა­ფო დახ­მა­რე­ბის ძვე­ლი და გა­უ­მარ­თა­ვი ავ­ტო­მო­ბი­ლე­ბი ხში­რად გზა­ში­ვე ფუჭ­დე­ბა, რა­საც შე­იძ­ლე­ბა ძა­ლი­ან ცუ­დი შე­დე­გი მოჰ­ყვეს. ამის შე­სა­ხებ თუ იყო მე­რია ინ­ფორ­მი­რე­ბუ­ლი და რა­ტომ არ ახ­დენ­და რე­ა­გი­რე­ბას?

- გე­თან­ხმე­ბით, ძა­ლი­ან ხში­რად ავ­ტო­მან­ქა­ნა გზა­ში ფუჭ­დე­ბა და ად­გილ­ზე მის­ვლა აგ­ვი­ან­დე­ბა. ავ­ტო­პარ­კი ჯერ კი­დევ რამ­დე­ნი­მე წლის წინ უნ­და გა­ნახ­ლე­ბუ­ლი­ყო. სამ­წუ­ხა­რო­ა, რო­ცა პრი­ო­რი­ტე­ტე­ბი არას­წო­რა­დაა გან­საზღ­ვრუ­ლი. და­სუფ­თა­ვე­ბის სამ­სა­ხურ­საც კი ახა­ლი მან­ქა­ნე­ბი ჰყავს და კარ­გად ჩა­ცმულ-და­ხუ­რუ­ლე­ბი არი­ან. სას­წრა­ფო დახ­მა­რე­ბის ბრი­გა­დებს კი ხუ­თი წე­ლია ერ­თი და იგი­ვე ტან­საც­მე­ლი აც­ვი­ათ. ავ­ტო­მან­ქა­ნე­ბი ხომ სა­ერ­თოდ არ გა­მოც­ვლი­ლა. ასე­თი, დატ­ვირთვის ავ­ტო­მან­ქა­ნე­ბი, 200-300 ათას კი­ლო­მე­ტრს რომ გა­დის, მა­ლე უნ­და შე­იც­ვა­ლოს, არ უნ­და ელო­დო, რო­დის გა­ფუჭ­დე­ბა. მან­ქა­ნის გა­ფუ­ჭე­ბის გა­მო, რამ­დენ­ჯერ მე თვი­თონ გა­მიყ­ვა­ნია ექი­მე­ბი ად­გილ­ზე. ასე იქ­ცე­ვი­ან ად­მი­ნის­ტრა­ცი­ის სხვა თა­ნამ­შრომ­ლე­ბიც. ღა­მის მო­რი­გე­ო­ბა გვაქვს და­წე­სე­ბუ­ლი. ვიდრე ასეთი რე­ა­ლო­ბაა მხარ­თე­ძო­ზე წა­მო­წო­ლის უფ­ლე­ბა არ გვაქვს. სა­ბედ­ნი­ე­როდ, ეს პრობ­ლე­მა მა­ლე მოგ­ვარ­დე­ბა. ძა­ლი­ან მა­ლე მთლი­ა­ნად განახლდება ჩვე­ნი ავ­ტო­პარ­კი, ოთხ­მო­ცი­ვე ბრი­გა­დას ახა­ლი ავ­ტო­მო­ბი­ლი ეყო­ლე­ბა.

მა­რი ონე­ზაშ­ვი­ლი

ყოველკვირეული გაზეთი "ყველა სიახლე"

(გამოდის ოთხშაბათობით)