გიორგი მარგველაშვილს სავარაუდოდ თამარ სანიკიძე შეცვლის

განათლებისა და მეცნიერების მინისტრის პოსტზე საკუთარ შემცვლელად გიორგი მარგველაშვილი, სავარაუდოდ, მის მოადგილეს დაასახელებს.

არაოფიციალური ინფორმაციით, მინისტრის თანამდებობაზე მარგველაშვილი თამარ სანიკიძის კანდიდატურის წარდგენას გეგმავს.

სანიკიძე 2010 წლიდან 2012 წლის ოქტომბრამდე, გიორგი მარგველაშვილთან, საქართველოს საზოგადოებრივ საქმეთა ინსტიტუტში (GIPA), ფინანსური დირექტორის თანამდებობაზე მუშაობდა. პირველი მოადგილის თანამდებობა სანიკიძეს მარგველაშვილმა განათლების მინისტრის პოსტზე დამტკიცებისთანავე შესთავაზა.

გიორგი მარგველაშვილი განათლების მინისტრის თანამდებობაზე საკუთარ შემცვლელს ოფიციალურად 15 ივლისს დაასახელებს.

როგორც მან ჟურნალისტებს განუცხადა, ახალი კანდიდატურა პრემიერთან უკვე შეათანხმა.

"ინტერპრესნიუსი"