ბათუმში 17 წლის გოგოს ეძებენ
ბათუმთან ახლოს მდებარე სოფელ ახალშენში მცხოვრები 17 წლის დარეჯან დ. დაიკარგა. ოჯახის წევრები და ნათესავები გოგონას გუშინ დილის 10:00 საათიდან ვერ უკავშირდებიან. როგორც გოგონას დეიდაშვილმა მაია შარაშიძემ "ინტერპრესნიუსს" განუცხადა, დარეჯან დიასამიძე მეზობელ სოფელში ბიცოლასთან იმყოფებოდა, იქიდან წამოსვლის შემდეგ კი სახლში არ დაბრუნებულა.
"მთელი სანათესაო ვეძებთ. გუშინ, დილის 10:00 საათიდან აღარ გამოჩენილა ბავშვი. ბიცოლასთან იმყოფებოდა სოფელ ქვედა სამებაში სტუმრად. უნდა ასულიყო სახლში ახალშენში, მაგრამ არც სახლში მისულა და ტელეფონიც გათიშული აქვს. არავითარი პრობლემა არც ფსიქოლოგიური, არც ოჯახური არ ჰქონია", - აღნიშნა მაია შარაშიძემ.
მისივე თქმით, ტელეფონის ნომრის მეშვეობით მტკიცდება, რომ გოგონა გუშინ 15:00 საათისთვის ბათუმში ერთ-ერთ ქუჩაზე იმყოფებოდა.
"მივაკითხეთ მის შეყვარებულს სამსახურში, ისიც გაგიჟებულია, თვითონაც ვერ უკავშირდებოდა. რა ხდება და რაშია საქმე, არ ვიცით, ვითხოვთ დახმარებას", - აღნიშნა მაია შარაშიძემ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
