შესაძლოა, აეროპორტს ზვიად გამსახურდიას, ხოლო ”ვარდების მოედანს” მერაბ კოსტავას სახელი ეწოდოს

თბილისის მნიშვნელოვანი ობიექტებისთვის სახელების გადარქმევის საკითხზე საბოლოო გადაწყვეტილებას საკრებულოს თავმჯდომარე დღეს, 10:30 საათზე გამართულ ბრიფინგზე განაცხადებს", - ამის შესახებ "ინტერპრესნიუსს" საკრებულოდან აცნობეს.

საკრებულოში, 14 აგვისტოს ფრაქციების გაფართოებულ სხდომაზე, თბილისის მნიშვნელოვანი ობიექტებისთვის სახელების გადარქმევის საკითხზე იმსჯელეს. კონკრეტულად, დეპუტატებმა თბილისის საერთაშორისო აეროპორტის, ვარდების რევოლუციის მოედნისა და თბილისის სხვა ობიექტებისთვის სახელების გადარქმევის საკითხზე იმსჯელეს.

თბილისის საერთაშორისო აეროპორტის ახალი სახელწოდების ერთ-ერთ ვერსიად, საქართველოს პირველი პრეზიდენტის ზვიად გამსახურდიას სახელი მოიაზრება, ხოლო ვარდების რევოლუციის მოედნისთვის – ეროვნული მოძრაობის ლიდერის, მერაბ კოსტავას სახელის დარქმევა იგეგმება.

"ინტერპრესნიუსი"