ფარ­შა­ვან­გე­ბის თბი­ლი­სუ­რი ბიზ­ნე­სი - "წყვი­ლი ფრინ­ვე­ლის ფა­სი 3.000 დო­ლა­რი­დან იწყ­ე­ბა"

ბი­ლი­სელი ალ­ბერტ მა­ნე­ლო­ვი ფარ­შა­ვან­გე­ბით ვაჭ­რობს. მას სახ­ლში ვე­სტუმ­რეთ იმის გა­სარ­კვე­ვად, არის თუ არა მი­სი ბიზ­ნე­სი მომ­გე­ბი­ა­ნი, ვინ ინ­ტე­რეს­დე­ბა ფრინ­ვე­ლე­ბის ყიდ­ვით, ან რა­ში სჭირ­დე­ბათ ფარ­შა­ვან­გის ყო­ლა.

ალ­ბერტ მა­ნე­ლო­ვი:

- და­ლა­გე­ბულ ქვე­ყა­ნა­ში მომ­გე­ბი­ა­ნი იქ­ნე­ბო­და, თუმ­ცა ვერ ვიტყ­ვი, რომ სა­ქარ­თვე­ლო­ში ჩე­მი ბიზ­ნე­სი მომ­გე­ბი­ა­ნი­ა. ყვე­ლა­ფე­რი პო­ლი­ტი­კურ ამინ­დზეა და­მო­კი­დე­ბუ­ლი. დღეს­დღე­ო­ბით წა­გე­ბა­ში ვარ, მაგ­რამ თავს მა­ინც არ ვა­ნე­ბებ, ეს საქ­მე მიყ­ვარს და, პირ­ველ რიგ­ში, სიყ­ვა­რუ­ლი­სა და ჰო­ბის გა­მო ვმუ­შა­ობ, ამ დროს კი ბიზ­ნე­სი უკა­ნა პლან­ზე იწევს. ძა­ლი­ან ბევრ ფრინ­ველს ეზო­ში ვერ გა­ა­ჩე­რებ, რად­გან პრობ­ლე­მას ქმნი­ან, მა­გა­ლი­თად, ფარ­შა­ვან­გე­ბი ხმა­მაღ­ლა კი­ვი­ან. თა­ვი­დან გი­ხა­რი­ა, ეგ­ზო­ტი­კა­ა, მაგ­რამ გარ­კვე­უ­ლი დრო­ის შემ­დეგ გა­წუ­ხებს, დის­კომ­ფორტს გიქ­მნის. აქე­დან გა­მომ­დი­ნა­რე, ბევრს ვერ იყო­ლი­ებ... ძი­რი­თა­დი მოთხ­ოვ­ნა ფარ­შა­ვან­გზეა, იქი­დან გა­მომ­დი­ნა­რე, რომ, მა­გა­ლი­თად, ხო­ხო­ბი ლა­მა­ზი­ა, მაგ­რამ აუ­ცი­ლე­ბ­ლად სჭირ­დე­ბა ვო­ლი­ე­რი. ფარ­შა­ვან­გის­თვის კი ეს აუ­ცი­ლე­ბე­ლი არა­ა, შე­იძ­ლე­ბა ეზო­ში გა­უშ­ვა.

- დღეს­დღე­ო­ბით რამ­დე­ნი და რა ჯი­შის ფარ­შა­ვან­გე­ბი გყავთ?

- დღეს და­ახ­ლო­ე­ბით, 30 ფრთა ფარ­შა­ვან­გი მყავს. ფრინ­ვე­ლის რა­ო­დე­ნო­ბა ასე ით­ვლე­ბა. მათ­ში შე­დის ინ­დუ­რი, თეთ­რი (რო­მე­ლიც ხე­ლოვ­ნუ­რა­დაა გა­მოყ­ვა­ნი­ლი), შავ­ზურ­გა და კო­ბალ­ტის, ეს უკა­ნას­კნე­ლი მუ­ტა­ციაა და ჩვე­უ­ლებ­რი­ვი ფარ­შა­ვან­გის­გან ფე­რით გან­სხვავ­დე­ბა.

- რა კა­ტე­გო­რი­ის ადა­მი­ა­ნე­ბი ყი­დუ­ლო­ბენ ფარ­შა­ვანგს?

- ფარ­შა­ვან­გი ისე­თებსაც უყი­დი­ათ, ვი­საც მარ­თლა ძა­ლი­ან უყ­ვარს ეს ფრინ­ვე­ლი და სა­კუ­თა­რი სი­ა­მოვ­ნე­ბის­თვის იძენს, მის გა­რე­შე არ შე­უძ­ლი­ა. ძი­რი­თა­დად, მდიდ­რებს მიჰ­ყავთ აგა­რა­კებ­ზე ეზო­ე­ბის გა­სა­ლა­მა­ზებ­ლად. ფარ­შა­ვანგს ტე­რი­ტო­რი­ა, სივ­რცე სჭირ­დე­ბა და უფ­რო მე­ტად წყნეთ­ში, სა­გუ­რა­მო­ში მიჰ­ყავთ. მა­გა­ლი­თად, ბად­რი პა­ტარ­კა­ციშ­ვილს ეზო­ში ძა­ლი­ან ბევ­რი ფარ­შა­ვან­გი ჰყავ­და გაშ­ვე­ბუ­ლი. შე­ი­ძი­ნა ჩვე­უ­ლებ­რი­ვიც, თეთ­რიც. ად­რე ჩვე­უ­ლებ­რი­ვი ფარ­შა­ვან­გი მყავ­და, ოღონდ თეთ­რთან იყო ნაჯ­ვა­რი და თეთ­რი ლა­ქე­ბი ჰქონ­და, ძა­ლი­ან ლა­მა­ზი იყო. პა­ტარ­კა­ციშ­ვილს ისი­ნიც ჰყავ­და. მო­დი­ან ისე­თი მყიდ­ვე­ლე­ბიც, რომ­ლებ­საც დი­დი ეზო აქვთ, მაგ­რამ ფარ­შა­ვან­გი არ უყ­ვართ, თუმ­ცა მა­ინც ყი­დუ­ლო­ბენ, რად­გან ქვეწარმავლების დასაფრთხობად სჭირ­დე­ბათ. ამ­ბო­ბენ, თით­ქოს ქვე­წარ­მავ­ლებს ცი­ცა­რი ერჩის, მაგ­რამ ეს ტყუ­ი­ლი­ა. ფარ­შა­ვან­გი ქვე­წარ­მავ­ლის წი­წილს იჭერს, კვერცხს ანად­გუ­რებს. ის იმი­თაც არის კარ­გი, რომ საფ­რთხის დროს გამ­ყი­ნა­ვად კი­ვის, რაც ერ­თგვა­რი სიგ­ნა­ლი­ზა­ცი­ის როლ­საც ას­რუ­ლებს. ბა­ტებ­მა ხომ რო­მი გა­და­არ­ჩი­ნეს, ფარ­შა­ვან­გსაც შეუძლია ასეთივე როლის შესრულება. ვერ ვიტყ­ვი, რომ დი­ზა­ი­ნე­რე­ბი დი­დად ინ­ტე­რეს­დე­ბი­ან. რამ­დენ­ჯერ­მე მო­სუ­ლან და მხო­ლოდ კუ­დე­ბი უყი­დი­ათ. რა თქმა უნ­და, ფარ­შა­ვან­გე­ბის მყიდ­ვე­ლე­ბის 90% შეძ­ლე­ბუ­ლი ადა­მი­ა­ნე­ბი არიან. ყვე­ლა მდი­და­რი ჭკვი­ა­ნია - მა­შინ­ვე კი არ ყი­დუ­ლო­ბენ, ჯერ ტე­რი­ტო­რი­ას მათ­ვა­ლი­ე­რე­ბი­ნე­ბენ და ჩემს რჩე­ვას ით­ვა­ლის­წი­ნე­ბენ. უკ­ვე კარ­გი რე­პუ­ტა­ცია მაქვს, რად­გან თუ ეზოს ფარ­შა­ვან­გი არ მო­უხ­დე­ბა, ამას პირ­და­პირ ვამ­ბობ, მხო­ლოდ გა­სა­ღე­ბა­ზე ორი­ენ­ტი­რე­ბუ­ლი არ ვარ. რაც შე­ე­ხე­ბა ფა­სებს - ჩემ­თან წყვი­ლის ფა­სი 3 000 დოლარი­დან იწყ­ე­ბა. ჩვე­უ­ლებ­რი­ვი წყვილი ფარ­შა­ვან­გი 3 წლის ასაკ­ში თუ 3 000 $ დოლარი ღირს, ერ­თი წლის ასაკ­ში 1 000 დოლარი $ ჯდე­ბა, რად­გან ამ­ხე­ლა მა­მალს ფე­რი და კუ­დი არა აქვს, ხო­ლო დე­და­ლი კვერცხს ვერ დებს".

ეკა აბაშიძე

ყოველკვირეული გაზეთი "ყველა სიახლე"

(გამოდის ოთხშაბათობით)