"ქართველ ტრადიციონალისტთა კავშირის" ლიდერი, პრეზიდენტობის კანდიდატობის მსურველი აკაკი ასათიანი გუშინ სახლიდან გამოასახლეს. აღნიშნულ ინფორმაციას "საზოგადოებრივი მაუწყებელი" ავრცელებს. მათი ინფორმაციით, აკაკი ასათიანს სულთანიშვილის ქუჩაზე საკუთარი 4 სართულიანი სახლი ბანკმა ჩამოართვა.
პარალელურად, დღის განმავლობაში, ასათიანის სახლთან შეკრებილები იყვნენ კერძო იპოთეკარები, რომლებიც ამტკიცებენ, რომ დაზარალებულები არიან და მათ სხვადასხვა დროს ასათიანს თანხები ასესხეს, რის დაბრუნებასაც წლებია უშედეგოდ ელიან.
აღნიშნულ საკითხთან დაკავშირებით აკაკი ასათიანს კომენტარი არ გაუკეთება.