საქართველოში ამინდი გაუარესდა

საქართველოში ამინდი გაუარესდა

საქართველოში ამინდი გაუარესდა. ქვეყნის თითქმის ყველა რეგიონში წვიმს. ბათუმის ზოგიერთ უბანში წვიმს, ზღვისპირა ზოლში კი ძლიერი ქარია. როგორც "ინტერპრესნიუსს" საგანგებო და გადაუდებელი სიტუაციების მართვის სააგენტოს ხელმძღვანელმა მერაბ ნაკაშიძემ განუცხადა, გამაფრთხილებელი წითელი ალმები პლაჟზე დღის მეორე ნახევრიდან აღმართულია. მისივე თქმით, უამინდობის გამო გამოძახება ჯერ არ ყოფილა, სანაპიროს კი მაშველები აკონტროლებენ.

მერაბ ნაკაშიძის განმარტებით, გუშინ საღამოდან მცირე ზომის ტექნიკა და მცურავი ობიექტები იახტკლუბში შეკრიბეს. ბათუმში რამდენიმე ქუჩაზე განთავსებულ დახურულ ავტოპარკინგებზე მოთხოვნა გაზრდილია. მოქალაქეები ცდილობენ, ავტომობილების უსაფრთხო ადგილზე გადაყვანას, რის გამოც დახურული პარკინგების შესასვლელებთან დიდი რიგებია.

რესტორნებისა და კაფეების მეპატრონეებმა კი გარე პერიმეტრზე განლაგებული ინვენტარი და მწვანე ნარგავები აალაგეს. ამ დროისთვის ზღვაზე მცირე ზომის ტალღებია. სანაპირო ზოლზე კი ქარი ძლიერდება. სინოპტიკოსების პროგნოზით, დასავლეთ საქართველოში ციკლონი დღეს 20:00-დან 21:00 საათებისთვის გაძლიერდება.

იხილეთ ვიდეო: ბათუმში ამინდი გაუარესდა - რა ხდება ზღვისპირა ქალაქში

"ინტერპრესნიუსი"

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია