მადრიდში საქართველოს ხუთი მოქალაქე დააკავეს

კატალონიის ავტონომიურმა პოლიციამ საქართველოს ხუთი მოქალაქე დააკავა, რომლებიც ბარსელონაში ბინების ძარცვაში არიან ეჭვმიტანილი, - ამის შესახებ ადგილობრივი მედია იუწყება.

მათივე ცნობით, პოლიციამ ისინი დანაშაულის ადგილზე დააკავა. მათგან ერთ- ერთი კარადაში იმალებოდა, მეორე კი - საბავშვო საწოლის ქვეშ.

ბინაში დამნაშავეების შეღწევის შესახებ პოლიციას ადგილობრივმა მცხოვრებმა შეატყობინა. ადგილზე მისულმა სამართალდამცველებმა ქუჩაში სამი უცნობი პირი დააფიქსირეს, რომლებიც უცნაურად იქცეოდნენ. პოლიციის მოთხოვნაზე, საბუთები წარედგინათ, მათ სხვადასხვა მიმართულებით გაქცევა სცადეს. ხუთივე მათგანი დაკავებულია, რომელთა საქმესაც სასამართლო განიხილავს. დაკავებულების ვინაობა არ სახელდება.

"ინტერპრესნიუსი"