თბილისის სამ სკოლაში ევაკუაციაა გამოცხადებული

ბარნოვის ქუჩაზე მდებარე 53-ე საჯარო სკოლაში და ბაქოს ქუჩაზე მდებარე 24-ე საჯარო სკოლაში ევაკუაცია გამოცხადდა. შსს-ს საზოგადოებასთან ურთიერთობის სამსახურის უფროსის ნინო გიორგობიანის ინფორმაციით, ბომბის არსებობის შესახებ ინფორმაცია 112 შევიდა. მისივე თქმით, ზარის ავტორის ვინაობა დგინდება.

დღესვე, პეტრიაშვილის ქ. #7-ში მდებარე #21 საჯარო სკოლაში ევაკუაცია გამოცხადდა.

ნინო გიორგობიანის თქმით, წინასწარი ინფორმაციით, სამივე სკოლაში ბომბის შესახებ ერთი და იმავე პირმა დარეკა.

"ინტერპრესნიუსი"