NDI-ის კვლევის თანახმად, გამოკითხულთა 71 პროცენტი ბიძინა ივანიშვილის პოლიტიკიდან წასვლის გადაწყვეტილებას არ ამართლებს. გამოკითხულთა 18 პროცენტი კი პრემიერის ამ გადაწყვეტილებას გამართლებულად მიიჩნევს.
კითხვაზე, იცით თუ არა, რომ ბიძინა ივანიშვილი საპრეზიდენტო არჩევნების შემდეგ მალე გადადგება, რესპონდენტთა 91 პროცენტი პასუხობს, რომ იცის, 9 პროცენტს კი ამის შესახებ არ სმენია.
კვლევა საქართველოს მასშტაბით 18 აგვისტოდან 3 სექტემბრამდე ჩატარდა. გამოიკითხა 3838 ადამიანი. ცდომილება 2 პროცენტია.