სა­ხი­ფა­თო სა­წო­ლე­ბი - "ნივ­თი­ე­რე­ბა ბავ­შვის ორ­გა­ნიზ­მში ხვდე­ბა და ეს სა­ში­ში­ა"

ბავ­შვის საკ­ვებს, ტან­საც­მელს, მე­დი­კა­მენ­ტებ­სა თუ სხვა სა­ჭი­რო ნივ­თებს მშობ­ლე­ბი ყოვ­ლთვის გან­სა­კუთ­რე­ბუ­ლად არ­ჩე­ვენ და უვ­ლი­ან. მის შემ­ცვე­ლო­ბას ეც­ნო­ბი­ან, თუმ­ცა რა­ტომ­ღაც არა­ვის უფიქ­რი­ა, რამ­დე­ნად მავ­ნე შე­იძ­ლე­ბა იყოს ბავ­შვის სა­წო­ლი, თუ ის უხა­რის­ხო მა­სა­ლის­გა­ნაა დამ­ზა­დე­ბუ­ლი. ამ თე­მა­ზე ავე­ჯის მწარ­მო­ე­ბე­ლი სა­ამ­ქროს ერ­თ-ერთი მფლო­ბე­ლი, ე.წ ლა­მი­ნა­ტის ავე­ჯის ხე­ლო­სა­ნი გია ბოლ­ქვა­ძე გვე­სა­უბ­რება:

- სა­სურ­ვე­ლი­ა, მშობ­ლებ­მა ლა­მი­ნა­ტის, მდფ-ის და სხვა მსგავ­სი მა­სა­ლის­გან დამ­ზა­დე­ბუ­ლი ბავ­შვის სა­წო­ლე­ბის ან სხვა სა­ბავ­შვო ავე­ჯის შე­ძე­ნი­სას სიფ­რთხი­ლე გა­მო­ი­ჩი­ნონ. პი­რა­დად მე სწო­რედ ამ მა­სა­ლე­ბის­გან ვამ­ზა­დებ ავეჯს, მაგ­რამ რო­ცა ბავ­შვის სა­წო­ლებს მიკ­ვე­თენ, უარს ვე­უბ­ნე­ბი.

- რა­ტომ, რა­მე მავ­ნე ნივ­თი­ე­რე­ბი­თაა გაჟ­ღენ­თი­ლი?

- ამ მა­სა­ლის­გან დამ­ზა­დე­ბუ­ლი ავე­ჯი ზრდას­რუ­ლე­ბის­თვის არა­ნა­ირ საფ­რთხეს არ წარ­მო­ად­გენს, მაგ­რამ ბავ­შვებს საგ­ნებ­თან, ნივ­თებ­თან პი­რით შე­ხე­ბა და მა­თი დაღ­რღნა სჩვე­ვი­ათ. აღ­ნიშ­ნუ­ლი მა­სა­ლის პრი­ალა თუ შე­ფე­რი­ლი ზე­და­პი­რი კი მომ­წამ­ვლე­ლი ქი­მი­უ­რი ნივ­თი­ე­რე­ბე­ბის­გან დამ­ზა­დე­ბუ­ლი სა­ღე­ბა­ვი­თაა და­მუ­შა­ვე­ბუ­ლი. რო­ცა ბავ­შვი სა­წო­ლის სა­ხე­ლუ­რებს ან რი­კუ­ლებს ღრღნის, სა­ღე­ბა­ვის ნა­წი­ლა­კე­ბი მის ორ­გა­ნიზ­მში ხვდე­ბა და ჯან­მრთე­ლო­ბის­თვის სა­ხი­ფა­თო­ა. თა­ვი­დან არც მე ვი­ცო­დი და ყუ­რადღ­ე­ბა არ გა­მი­მახ­ვი­ლე­ბი­ა, სა­ნამ არ და­ვი­ნა­ხე, ჩე­მი პა­ტა­რა შვი­ლი რო­გორ ღრღნი­და ჩემ მი­ერ დამ­ზა­დე­ბული სა­წო­ლის სა­ხე­ლუ­რებს. ძა­ლი­ან შე­მე­შინ­და, რად­გან ჩემ­ზე უკეთ ვინ იცის, რაოდენ მომ­წამ­ვლე­ლი ნივ­თი­ე­რე­ბი­თაა და­მუ­შა­ვე­ბუ­ლი ლა­მი­ნა­ტის ზე­და­პი­რი. ამ ნივ­თი­ე­რე­ბამ ბავშვს შე­საძ­ლოა სე­რი­ო­ზუ­ლი პრობ­ლე­მა გა­უ­ჩი­ნოს. შე­იძ­ლე­ბა მშობ­ლე­ბი ვერც კი მიხ­ვდნენ, რამ მო­წამ­ლა მა­თი შვი­ლი და სულ სხვა რა­მეს და­აბ­რა­ლონ.

- დღეს ბავ­შვის სა­წოლ­თა უმე­ტე­სო­ბა, რომ­ლებ­საც მშობ­ლე­ბი იძე­ნენ, სწო­რედ ამ მა­სა­ლის­გა­ნაა დამ­ზა­დე­ბუ­ლი, რად­გან ხე­ზე გა­ცი­ლე­ბით ია­ფი ჯდე­ბა და თან ლა­მა­ზი­ა. აქამ­დე რა­ტომ არა­ვინ გა­ა­მახ­ვი­ლა ამ საფ­რთხე­ზე ყუ­რადღ­ე­ბა?

- რო­გორ არა. მა­ღა­ზი­ებ­ში გა­მო­ტა­ნი­ლი ბავ­შვე­ბის სა­წო­ლე­ბის უმე­ტე­სო­ბას სა­ხე­ლუ­რებ­ზე და ისეთ ად­გი­ლებ­ზე, სა­დაც შე­იძ­ლე­ბა ბავ­შვი პი­რით მის­წვდეს, დამ­ცა­ვი ზე­და­პი­რი აქვს გა­დაკ­რუ­ლი. მაგ­რამ რო­ცა ბაზ­რო­ბებ­ზე ან სხვა მცი­რე სა­აქ­მრო­ებ­ში ამ­ზა­დე­ბი­ნე­ბენ მშობ­ლე­ბი ბავ­შვის სა­წო­ლებს, იქ არა­ვინ ფიქ­რობს ამაზე და შე­სა­ბა­მი­სად, დამ­ცა­ვი ზე­და­პი­რიც არ კეთ­დე­ბა. მშობ­ლე­ბის და ხე­ლოს­ნე­ბის უმ­ტე­სო­ბამ ეს არც კი იცის. მეც არ ვი­ცო­დი. არა­ვის გა­ვუფრ­თხი­ლე­ბი­ვარ, სა­ნამ ფაქ­ტის წი­ნა­შე არ დავ­დე­ქი.

მა­რი ონე­ზაშ­ვი­ლი

ყოველკვირეული გაზეთი "ყველა სიახლე"

(გამოდის ოთხშაბათობით)