პაატა ზაქარეიშვილი მთავარ გამოწვევად გამყოფი ხაზის გასწვრივ არსებულ პრობლემებს ასახელებს
სახელმწიფო მინისტრი რეინტეგრაციის საკითხებში ხელისუფლების მთავარ გამოწვევად გამყოფი ხაზის გასწვრივ არსებულ პრობლემებს ასახელებს.
როგორც პაატა ზაქარეიშვილმა ერთწლიანი მუშაობის შეფასებისას აღნიშნა, მთავრობა ამ გამოწვევას ღირსეულად უძლებს.
"აშკარაა, რომ არის პროვოკაცია, რათა ჩაგვითრიონ აგრესიულ ქმედებებში და კონფრონტაციას კონფრონტაციით ვუპასუხოთ, რასაც არ ვუშვებთ და ეს არის პრინციპული განსხვავება ჩვენსა და წინა ხელისუფლებას შორის, რომელიც ვერ უძლებდა ცდუნებას, აჰყვებოდა პროვოკაციას და დიდ ზარალს აყენებდა ქვეყანას. ჩვენ ძალიან ვწუხვართ და ვმუშაობთ ზარალის მინიმუმამდე დასაყვანად", - განაცხადა ზაქარეიშვილმა.
მინისტრის შეფასებით, ამჯერად ზარალი ათობით ადამიანს ეხება და არა ათასობით ადამიანს, როგორც წინა ხელისუფლების პირობებში.
"რა თქმა უნდა, ოკუპაცია 2008 წლიდან გრძელდება. ეს არ უნდა მომხდარიყო, მაგრამ წარსულზე ტირილს აზრი არ აქვს. უნდა ვეცადოთ, პრობლემები მინიმუმამდე დავიყვანოთ და მოსახლეობა იყოს დაცული", - აღნიშნა ზაქარეიშვილმა.
მასწავლებელი ოკუპირებული აფხაზეთიდან, რომელიც საქართველოს 5 საუკეთესო პედაგოგს შორისაა, მისი წიგნები კი ბესტსელერია
"სიკვდილ-სიცოცხლის არჩევანის წინაშე გვაყენებენ, მიგრაცია გარდაუვალია" - უვადოდ ჩაკეტილი ახალგორის გზა და ცხოვრება იზოლაცაში
