"ფსიქოპროექტის" კვლევის შედეგებით, ინსტიტუტების ნდობის რეიტინგში ეკლესია ლიდერობს
საკვლევ-საკონსულტაციო ცენტრ "ფსიქოპროექტის" მიერ ჩატარებული საზოგადოებრივი აზრის კვლევის შედეგების მიხედვით, ინსტიტუტების ნდობის რეიტინგში ეკლესია ლიდერობს.
4-ქულიან სკალაში კვლევის ფარგლებში გამოკითხულმა რესპონდენტებმა ეკლესიას 3,50 ქულა მიანიჭეს, მეორე ადგილზე 3,24 ქულით მოდის შეიარაღებული ძალები, მესამე ადგილს კი 3,04 ქულით პატრული იკავებს, რომელიც თავისი რეიტინგით შსს-სადმი ნდობის მაჩვენებელს აღემატება.
აღნიშნული კვლევის მიხედვით, ირაკლი ღარიბაშვილის უწყებას რესპონდენტებმა 4-ქულიან სკალაში 2,82 ქულა მიანიჭეს.
რაც შეეხება სხვა ინსტიტუტების შეფასების მაჩვენებელს, მონაცემები ასე გადანაწილდა: მთავრობა - 2,67, არასამთავრობო სექტორი - 2,65, ცესკო - 2,60, პარლამენტი - 2,60, პროკურატურა -2,51, მასმედია - 2,44, სასამართლო 2,37 და პრეზიდენტი- 2,02.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
