რამ­დე­ნი უცხ­ო­ე­ლი სწავ­ლობს სა­ქარ­თვე­ლო­ში

თბი­ლი­სის ქუ­ჩებ­ში ხში­რად შეხ­ვდე­ბით ჯგუფ­-ჯგუ­ფად მო­სი­ა­რუ­ლე უცხ­ო­ელ სტუ­დენ­ტებს, უმე­ტეს­წი­ლად, აზი­ის, აფ­რი­კი­სა და სამ­ხრეთი ამე­რი­კის ქვეყ­ნე­ბი­დან. რამ­დე­ნი უცხ­ო­ე­ლი სტუ­დენ­ტი სწავ­ლობს დღეს სა­ქარ­თვე­ლო­ში? რა­ტომ ჩა­მო­დი­ან და რა გზას ირ­ჩე­ვენ სწავ­ლის დამ­თავ­რე­ბის შემ­დეგ, ბრუნ­დე­ბი­ან თუ არა თა­ვი­ანთ სამ­შობ­ლო­ში? - ამ სა­კითხ­ზე რამ­დე­ნი­მე უმაღ­ლე­სი სას­წავ­ლებ­ლის წარ­მო­მად­გე­ნელს მივ­მარ­თეთ.

სა­ქარ­თვე­ლოს სტა­ტის­ტი­კის ეროვ­ნუ­ლი სამ­სა­ხუ­რის ინ­ფორ­მა­ცი­ით, 2012-2013 სას­წავ­ლო წლი­სათ­ვის სა­ხელ­მწი­ფო უმაღ­ლეს სას­წავ­ლებ­ლებ­ში 1802 უცხ­ო­ე­ლი სტუ­დენ­ტი სწავ­ლობ­და, ხო­ლო კერ­ძო სას­წავ­ლებ­ლებ­ში - 1108; სტა­ტის­ტი­კით, ყვე­ლა­ზე მე­ტი სტუ­დენ­ტი ინ­დო­ე­თი­დან ჩა­მო­დის, მა­თი რიცხ­ვი 825-ს აღ­წევს, მომ­დევ­ნო ად­გი­ლებ­ზე კი აზერ­ბა­ი­ჯა­ნი, ნი­გე­რი­ა, თურ­ქე­თი, რუ­სე­თი და შრი-­ლან­კა არი­ან..

თბი­ლი­სის სა­ხელ­მწი­ფო უნი­ვერ­სი­ტე­ტის სა­ზო­გა­დო­ე­ბას­თან ურ­თი­ერ­თო­ბის დე­პარ­ტა­მენ­ტში გვითხ­რეს, რომ "ი­ვა­ნე ჯა­ვა­ხიშ­ვი­ლის სა­ხე­ლო­ბის თბი­ლი­სის სა­ხელ­მწი­ფო უნი­ვერ­სი­ტეტ­ში ამ­ჟა­მად უცხ­ო­ე­თის ქვეყ­ნე­ბის 250-მდე მო­ქა­ლა­ქე სწავ­ლობს. სწავ­ლე­ბის ენა ქარ­თუ­ლი, ინ­გლი­სუ­რი და რუ­სუ­ლი­ა. უცხ­ო­ე­ლი სტუ­დენ­ტე­ბი უპი­რა­ტე­სო­ბას ანი­ჭე­ბენ მე­დი­ცი­ნის, ჟურ­ნა­ლის­ტი­კი­სა და მა­სობ­რი­ვი კო­მუ­ნი­კა­ცი­ის, ასე­ვე, ბიზ­ნე­სის ად­მი­ნის­ტრი­რე­ბი­სა და სა­მარ­თლის მი­მარ­თუ­ლე­ბებს"...

თბი­ლი­სის სა­ხელ­მწი­ფო სა­მე­დი­ცი­ნო უნი­ვერ­სი­ტეტ­ში მის­ვლი­სას ერ­თ-ერთ უცხ­ო­ელ სტუ­დენტს გა­ვე­სა­უბ­რეთ. რო­ბინ სპერ­ზი­ო­ნი, სამ­კურ­ნა­ლო ფა­კულ­ტე­ტის სტუ­დენ­ტი: - ინ­დო­ე­თი­დან ვარ, დე­ლის გა­რე­უბ­ან ჯა­ნა­ი­დან. მინ­და, ექი­მი გავ­ხდე, აქ კარ­გი გა­ნათ­ლე­ბის მი­ღე­ბის ყვე­ლა­ნა­ი­რი სა­შუ­ა­ლე­ბა­ა, გა­და­სა­ხა­დიც შე­და­რე­ბით ნაკ­ლე­ბი­ა. სა­მე­დი­ცი­ნო ფა­კულ­ტეტ­ზე მრა­ვა­ლი ინ­დო­ე­ლი, შრი-­ლან­კე­ლი სწავ­ლობს და სწავ­ლის დამ­თავ­რე­ბის შემ­დეგ მსოფ­ლი­ოს სხვა­დას­ხვა ქვე­ყა­ნა­ში კარგ სამ­სა­ხურ­საც შო­უ­ლო­ბს, უმე­ტე­სო­ბა ინ­დო­ეთ­ში იწყ­ებს სამ­სა­ხურს, თუმ­ცა, აშ­შ-სა და ინ­გლის­შიც მუ­შა­ო­ბენ. სწავ­ლე­ბის დო­ნით კმა­ყო­ფი­ლი ვარ.

- გყავთ ქარ­თვე­ლი მე­გობ­რე­ბი? მათ­თან ურ­თი­ერ­თო­ბი­სას პრობ­ლე­მე­ბი თუ გექ­მნე­ბათ?

- ქარ­თვე­ლი მე­გობ­რე­ბიც მყავს და ინ­დო­ე­ლე­ბიც, არა­ვი­თა­რი პრობ­ლე­მა არ მექ­მნე­ბა, კო­მუ­ნი­კა­ბე­ლუ­რე­ბი არი­ან... ინ­დო­ე­ლე­ბი ერ­თად ვცხოვ­რობთ, ბი­ნებს ქა­ლა­ქის სხვა­დას­ხვა უბან­ში ვქი­რა­ობთ, შე­საძ­ლებ­ლო­ბის მი­ხედ­ვით, ვცდი­ლობთ უნი­ვერ­სი­ტეტ­თან ახ­ლოს ვი­ყოთ.

- სწავ­ლის დამ­თავ­რე­ბის შემ­დეგ რა გეგ­მე­ბი გაქვთ?

- ინ­დო­ეთ­ში დავ­ბრუნ­დე­ბი, ჩვენ­თან ექი­მი ძალ­ზე და­ფა­სე­ბუ­ლი­ა, პა­ტივს სცე­მენ, ერ­თ-ერ­თი პრეს­ტი­ჟუ­ლი პრო­ფე­სი­ა­ა.

ამის შემ­დეგ კო­მენ­ტა­რის­თვის სა­მე­დი­ცი­ნო უნი­ვერ­სი­ტე­ტის უცხ­ო­ელ სტუ­დენ­ტთა გა­ნათ­ლე­ბის დე­პარ­ტა­მენ­ტის ხელ­მძღვა­ნელ გი­ორ­გი გი­ორ­გო­ბი­ანს მივ­მარ­თეთ: - სა­მე­დი­ცი­ნო უნი­­ვერ­სი­ტე­ტის მე­დი­ცი­ნის ფა­კულ­ტეტ­ზე ამ­ჟა­მად 1114 უცხ­ო­ე­ლი სწავ­ლობს, თუმ­ცა, რამ­დე­ნი­მე დღე­ში 300-400 სტუ­დენ­ტი შე­მოგ­ვე­მა­ტე­ბა.

- არ­სე­ბობს მო­საზ­რე­ბა, რომ უცხ­ო­ე­ლი სტუ­დენ­ტე­ბი თქვენს უნი­ვერ­სი­ტეტს სწავ­ლის სი­ი­ა­ფის გა­მოც არ­ჩე­ვენ.

- სწავ­ლა არ­ცთუ ია­ფია და მარ­ტო ამის გა­მო ნამ­დვი­ლად არ მო­დი­ან, საკ­მა­ოდ სო­ლი­დუ­რი თან­ხაა გა­და­სახ­დე­ლი - 5.000 დო­ლა­რი, რაც იმა­ვე ინ­დო­ე­ლის­თვის, შრი-­ლან­კე­ლის­თვის არც თუ ცოტაა.

ნი­ნო კვი­ტაშ­ვი­ლი

ყოველკვირეული გაზეთი "ყველა სიახლე"

(გამოდის ოთხშაბათობით)