საქართველოში HUGO BOSS-ის და CHANEL-ის სუნამოების გამყალბებელი დააკავეს

ფინანსთა სამინისტროს საგამოძიებო სამსახურის თანამშრომლებმა, სხვისი სასაქონლო ნიშნის მართლსაწინააღმდეგო გამოყენების ფაქტზე, თურქეთის მოქალაქე სელჩუკ იონჯუ დააკავეს.

როგორც "ინტერპრესნიუსს" საგამოძიებო სამსახურიდან აცნობეს, გამოძიებით დადგინდა, რომ დაკავებულმა, ქალაქ რუსთავში მდებარე საწარმოში, კუსტარულად დაამზადა და გაასაღა, 12 300 ლარის ღირებულების HUGO BOSS-ის და CHANEL-ის სასაქონლო ნიშნით უკანონოდ ნიშანდებული, დაახლოებით, 2 500 ცალი ფალსიფიცირებული სუნამო.

მიმდინარეობს გამოძიება საქართველოს სისხლის სამართლის კოდექსის 196-ე მუხლის პირველი ნაწილით, რაც ითვალისწინებს თავისუფლების აღკვეთას 2 წლამდე ვადით.

"ინტერპრესნიუსი"