ოკუპანტებმა ხურვალეთის მკვიდრი დააკავეს

საოკუპაციო ხაზის გადაკვეთის გამო ოკუპანტებმა ხურვალეთის მკვიდრი ზაქრო ჯოჯიშვილი დააკავეს. როგორც "ინტერპრესნიუსს" საქართველოს შინაგან საქმეთა სამინისტროს ანალიტიკური დეპარტამენტის ხელმძღვანელმა დავით სუჯაშვილმა განუცხადა, ჯოჯიშვილი დღეს დილით დააკავეს და მის გასათავისუფლებლად ანალიტიკური დეპარტამენტი მოლაპარაკებებს უკვე აწარმოებს.

"ევროკავშირის სადამკვირვებლო მისია უკვე ჩავაყენეთ საქმის კურსში, ინფორმაცია მივაწოდეთ, ცხელი ხაზი ავამუშავეთ. ამ ეტაპზე მიმდინარეობს მოლაპარაკებები", - განმარტა დავით სუჯაშვილმა.

"ინტერპრესნიუსი"