საქართველოს შვიდ ქალაქში ოკუპაციის წინააღმდეგ ცოცხალი ჯაჭვის აქცია გაიმართა
საქართველოს შვიდ ქალაქში ოკუპაციის წინააღმდეგ ცოცხალი ჯაჭვის აქცია გაიმართა. აქცია "შეაჩერე ანექსია" დღეს დაახლოებით 15:00 საათზე, თბილისის, რუსთავის, თელავის, გორის, ბათუმის, ქუთაისის, ზუგდიდის ცენტრალურ ქუჩებზე ერთდროულად დაიწყო.
სტუდენტების მიერ ორგანიზებული აქციის ფარგლებში ცოცხალი ჯაჭვი ახალგაზრდებმა 15 წუთის განმავლობაში შეკრეს.
როგორც აქციის ერთ-ერთმა ორგანიზატორმა გიორგი ხველედიანმა განაცხადა, მათი გზავნილია, რომ საქართველოში ნებისმიერი პოლიტიკური პარტიის მხარდამჭერებსა და მიმდევრებს ძალიან მკაფიო და ცალსახა პოზიცია აქვთ რუსეთის ოკუპაციასთან და მცოცავ ანექსიასთან დაკავშირებით.
"ჩვენ, ქართველები ოკუპაციის წინააღმდეგ ვართ ერთნი. საქართველოს ამ პრობლემის წინაშე ყველა ერთიანია. ჩვენი მიზანია, საერთაშორისო საზოგადოებას დავანახოთ, რომ პოლიტიკური და იდეოლოგიური განსხვავებების მიუხედავად, საქართველოს მოქალაქეების აბსოლუტური უმრავლესობა არ ეგუება და ერთიანი ძალებით იბრძვის მცოცავი ოკუპაციის წინააღმდეგ", - აცხადებდნენ სტუდენტები.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
