სტუდენტებმა სახელმწიფო კანცელარიასთან აქცია გამართეს
სტუდენტებმა სახელმწიფო კანცელარიასთან აქცია გამართეს. რამდენიმე სტუდენტმა რეინტეგრაციის საკითხებში სახელმწიფო მინისტრის პაატა ზაქარეიშვილის განცხადებები გააპროტესტა, რომელიც რუსი ოკუპანტების ბოლოდროინდელ ქმედებებს და საზღვრის გადმოწევას უკავშირდება.
სტუდენტებმა პაატა ზაქარეიშვილის ის განცხადება დაგმეს, რომლის თანახმადაც, როდესაც რუსი ჯარისკაცი საპირფარეშოში შედის, ის ოკუპირებულია. სტუდენტებმა სიმბოლური აქცია გამართეს. მათ კანცელარიასთან მიიტანეს უნიტაზი, რომელსაც დააკრეს პაატა ზაქარეიშვილის სურათი წარწერით - "ბოდიში, ოკუპირებულია" და ზედ მავთულხლართები შემოაბეს.
როგორც სტუდენტები აცხადებენ, პაატა ზაქარეიშვილის განცხადებები ცინიკური და დამამცირებელია. აქციის მონაწილეების თქმით, პაატა ზაქარეიშვილი აცხადებს, რომ რუსეთი არ ახდენს ოკუპაციას, რუსეთი უბრალოდ საზღვარს ღობავს, რაც მინისტრის მხრიდან არასწორი პოზიციაა.
სტუდენტები ზაქარეიშვილს მოუწოდებენ, რომ თავი შეიკავოს მსგავსი განცხადებებისგან და განცხადებების გაკეთება ისწავლოს.
"მოვუწოდებთ ზაქარეიშვილს, ისწავლოს განცხადებების კეთება. მის განცხადებებში დამამცირებელი ტონია, ირონიით არის გაჟღენთილი და საქართველოს ყველა მოქალაქეს აზიანებს", - განაცხადეს სტუდენტებმა.
ამასთან, მათ მინისტრს ასევე მოუწოდეს შეცვალოს პოზიცია და საქართველომ არ მიიღოს მონაწილეობა სოჭის ოლიმპიადაში.
იხილეთ ვიდეო
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
