ცნობილი ფოტოგრაფი ირაკლი ღუღუნიშვილი ავტოსაგზაო შემთხვევას ემსხვერპლა

თბილისში მომხდარ ავტოსაგზაო შემთხვევას 25 წლის ირაკლი ღუღუნიშვილი ემსხვერპლა. შემთხვევა ვაჟა-ფშაველას გამზირზე წუხელ მოხდა. ახალგაზრდა ფოტოხელოვანი მოტოციკლით მოძრაობდა, რა დროსაც მას ავტომობილი დაეჯახა.

ღუღუნიშვილი რესპუბლიკურ საავადმყოფოში გადაიყვანეს, მაგრამ სიცოცხლისთვის შეუთავსებელი დაზიანებების გამო, მისი გადარჩენა ვერ მოხერხდა.

არსებული ინფორმაციით, ავტომობილის მძღოლი დაკავებულია.

"ინტერპრესნიუსი"