არჩილ კბილაშვილი ლაფანყურის სპეცოპერაციის შემსწავლელ კომისიას "სამართლებრივი ძალის მქონედ" არ აღიქვამს

მთავარი პროკურორი არჩილ კბილაშვილი ლაფანყურის სპეცოპერაციის შემსწავლელ საზოგადოებრივ კომისიას "სამართლებრივი ძალის მქონედ" არ აღიქვამს.

როგორც კბილაშვილმა ჟურნალისტებს განუცხადა, ეს უნდა შეფასდეს მხოლოდ იმგვარად, რომ საქმე გვაქვს კანონით განსაზღვრულ ნებადართული კომისიის შექმნის წესთან.

"ეს საზოგადოების უფლებაა. ასე, რომ მას არ აღვიქვამ როგორც სამართლებრივი ძალის მქონე კომისიას. ამ მხრივ, საქმე გვაქვს მხოლოდ კანონით განსაზღვრულ ნებადართული კომისიის შექმნის წესთან", - განაცხადა არჩილ კბილაშვილმა.

ლაფანყურში ჩატარებულ სპეცოპერაციასთან დაკავშირებით, სახალხო დამცველის აპარატთან საზოგადოებრივი საბჭო შეიქმნა, რომელიც 12 წევრისაგან შედგება.

საზოგადოებრივ საბჭოში, უჩა ნანუაშვილის გარდა, არიან - სოსო ცისკარიშვილი, ლია მუხაშავრია, უმარ იდიგოვი, ზაურ გუმაშვილი, ხასო ხანგოშვილი, მორატ ქავთარაშვილი, ვახტანგ მაისაია, კახა კახიშვილი, მამუკა არეშიძე, თამარ გაბისონია და გელა ნიკოლაიშვილი.

"ინტერპრესნიუსი"