თენგიზ გუნავა გუბერნატორის პოსტს ტოვებს

სამეგრელო-ზემო-სვანეთის გუბერნატორი თენგიზ გუნავა თანამდებობას ტოვებს. შესაბამისი განცხადებით მან პრეზიდენტის ადმინისტრაციას უკვე მიმართა.

"მე ადრეც განვაცხადე, რომ თუ საპრეზიდენტო არჩევნებში "ქართული ოცნების" კანდიდატი გაიმარჯვებდა, დავტოვებდი თანამდებობას, რადგან არ ვაპირებ ამ მთავრობასთან მუშაობას. დღეს დავტოვე განცხადება ადმინისტრაციაში, რომელიც გაივლის სამართლებრივ პროცედურებს და ამის შემდეგ დაკმაყოფილდება",-განაცხადა გუნავამ "რუსთავი 2"-თან საუბარში.

რაც შეეხება მის გეგმებს, გუნავას თქმით, პოლიტიკაში რჩება. მისივე განცხადებით, ის არის "ნაციონალური მოძრაობის" პოლიტსაბჭოს წევრი და ბრძოლას ოპოზიციიდან გააგრძელებს.

ამასთან, როგორც გუნავამ აღნიშნა, ის წარმატებას უსურვებს იმ ადამიანს, რომელიც მას გუბერნატორის პოსტზე შეცვლის.

"ინტერპრესნიუსი"