აფხაზეთი დემოგრაფიული კატასტროფის წინაშე - 10 წელიწადში მოსახლეობა 30%-მდე შემცირდება

მომდევნო 10 წელიწადში აფხაზეთის მოსახლეობა 10-დან 30%-მდე შემცირდება, ამის შესახებ მოხსენებაშია ნათქვამი, რომელიც 25 ოქტომბერს ექსპერტთა ფონდმა "აინერმა" აფხაზეთში დემოგრაფიული სიტუაციის თემაზე გამართულ დისკუსიაზე წარმოადგინა.

დისკუსიაში აფხაზურ პარლამენტში სერგეი ბაღაფშის წარმომადგენელი დიმიტრი შამბა, ე.წ ვიცე-პრემიერი ალექსანდრ სტრანიჩკინი, დეპუტატები რაულ ჰაჯიმბა, ახრა ბჟანია, ვალერი კვარჩია, პარტიისა და საზოგადოებრივი ორგანიზაციების წარმომადგენლები მონაწილეობდნენ.

ძირითადი ფაქტორი, რომელიც აფხაზეთში დემოგრაფიულ სიტუაციაზე ნეგატიურად აისახება, ნარკომანია, შიდსი, ალკოჰოლზე დამოკიდებულება და საავტომობილო ავარიების დიდი რაოდენობაა. ამასთან, ფონდის ექსპერტმა აზამატ ჰიბამ აღნიშნა, რომ ეკონომიკური და პოლიტიკური რეფორმების გარეშე ამ პრობლემის გადაჭრა შეუძლებელია.

მომზადებულია cyxymu.livejournal.com-ისა და agrba-timyr.livejournal.com მიხედვით.